[A:25]khang nas rkang gling byung nas mchod sgam nas rgyal mo ka ra rdog po zhig bton nas bskang gso mdzad dgos byung gsungs so/ /thugs dam kyang gur mgon gyi shA' sa na la gtso bor mdzad/ de nas dgun chos cig gis/ snang gsum nas dbang tshar gnyis tsam song sku gzugs kyis gtan ma lcogs pa thar rtser phebs nas sku mtshams mdzad/ dgung lo drug cu re drug pa la sa sbrul sa ga zla ba'i nyer bdun gyi srod gza' phur bu skar ma dbyug pa babs pa'i tshe sku gshegs so/ /de nas paN chen nam mkha' dpal bzang pas sku gdung chas 'jug /gzhan bdud rtsi ltar phul nas bla brang gzims chung du spyan drangs/ dgongs rdzogs rnams rgya cher bsgrubs rgyal tshab tu rje dkon mchog dpal ldan pa bkod/ hor zla drug pa'i tshes bcu'i snga dro rje thar rtse nas kyis sbyin sreg phul/ gdung rus gdung thal sogs kyang gdung tsha dang rten bzhengs phul phyin grub bo/ /rgyas par rje thar rtse nas kyis mdzad pa'i rnam thar dang / gzims dpon mus pa 'tsho byed nam mkha' dpal bzang gis mdzad pa'i rnam thar gnyis su blta'o// //rje dkon mchog dpal ldan ni/ sa skya'i gnyan khang sar du yab rje dkon mchog lhun grub kyi gcung po lha mo dar dang yum rje rdo rje 'chang gi dbon rigs dpal ldan bu dga'i sras su mi zad pa zhes pa/ me pho khyi la 'khrungs/ mtshan la tshe brtan don grub zhu/ dgung lo bcu gsum pa la e waM dkon mchog lhun grub kyis mkhan po dang / chos rje dge legs bshes gnyen pas las slob mdzad nas rab tu byung / bcu drug pa la 'bras yul skyed tshal du kun mkhyen shes rab 'od zer las mtshan nyid bslab sbyong mthar phyin mdzad/ dgung lo nyer bzhi'i bar bzhugs/ de nas sa skyar rnam gzhag rgya chen mdzad/ nyer dgu la mkhan po sngar gyi de nyid las slob/ 'jam dbyangs shes 'od sogs las bsnyen par rdzogs rje dkon