[A:26]mchog lhun grub/ sangs rgyas seng ge sngags 'chang chen po sher 'od byang sems dkon rgyal spyan snga dkon mchog rgya mtsho sogs las thos pa rgya mtsho'i pha rol du son par mdzad nas/ sgrub pa la brtson/ dgung lo sum cu so grangs nas e waM gtso bor gyur gnas rnams su 'chad nyan mdzad/ e waM gzims khang phrug gur bzhugs/ sa mo sbrul lo sa ga zla ba'i nyer bdun la rje sangs rgyas seng ge sku gshegs nas/ shar khang pa chos rje shes rab rgyal mtshan sogs kyis gsol btab dgung lo bzhi bcu rtsa bzhi pa dkar po zhes pa sa mo sbrul de nyid kyi snron zla ba'i tshes gsum la e waM gyi mkhan por bskos thog lo de'i dbyar chos ston chos sogs gnang nas mdo mkhar du rje dkon mchog rgya mtsho spyan drangs nas gsung ngag sogs gsan/ de nas e waM du gtso bor bzhugs shing / gcen lung rdzong dkar dpon kun dga' bzang pos spyan drangs nas 'bring mtshams/ gzar sogs kyi chos sde mi sde thams cad kyis gus pas mchod/ skyed tshal gang mkhan po 'bol ston ngag dbang grags pas spyan drangs nas gsung ngag sogs byams chen rab 'byams pa'i khri'i steng nas so/ /sa yos hor zla lnga pa'i tshes gsum la brang ti nas ngor mkhan por bskos/ 'brug sbrul rta gsum ngor pa la sri ngan gsungs nas gzims khang phrug gur byang pa bkra shis stobs rgyal/ spyan snga dkon mchog rgya mtsho bcas byon nas chos rje shar pa dang byang pa bdag po gnyis spyan snga rje mkhan po/ 'dren mchog 'di las slob/ brang ti pas gsang ston sogs mdzad nas bsnyen par rdzogs rtse gdong gdung rgyud rin po che dang 'jam dbyangs bsod nams dbang po sogs byon nas 'dod chos mjal 'phrad sogs lugs zung rgya chen po mdzad/ de nas stod phyogs sa skya sogs su byon nas/ rtse gdong du lo gsum gnang / lug la e waM gyi khur mdzad dgos byung / spre'u lor shan chen