[A:30]dpag tu med pa gsan te rgyas par gsan yig dpag bsam ljon shing du shes par bya'o/ /sdom pa gsum la nyes ltung gi dri mas ma gos pas/ sku shin tu btsun zhing / bdag bas gzhan gces kyi thugs mnga' bas/ log sgrub mkhan la dga' ba bskyed par mdzad nas/ khang tshan gyi dge rgan zhig na re/ sman grong par dgra byas pa dang gnyen byas pa la khyad e 'dug ltos zer ro/ /thos bsam sgom gsum la skyo ngal dang dka' tshegs mi gzigs par nyin mtshan khor yug tu 'da'/ nyin mo gsol ba mdzad dus kyang dal bar mi bzhugs/ mtshan la yang 'am bu nam 'chi mi shes pas/ gnyid de tsam log long med gsungs shing thugs dam mdzad/ gang du bzhugs pa'i sa phyogs gtsang zhing yid du 'ong / tshul khrims kyi dri bsung ldan/ sus kyang chos kyi skyon gling rgyu med/ nyid kyi gsungs las/ kho bo las dang po pa'i dang po pa rang du song bas/ las 'bras kyi blang dor tshul bzhin du 'grub par dka' yang / las 'bras la yid ches pa tsam yod gsungs/ 'jig rten yang dag gi lta ba ni de'o/ /yon tan gyi cha rnams gzhan la gsang ba kho na mdzad/ gzhan la ting nge 'dzin ma skyes pa skyed pa dang / bogs 'don dang / nad gdon gyis nyen pa rnams la byin rlabs ljags chab tsam res phan pa mang po byung / dgung lo nyer bzhi nas so lnga'i bar rje sangs rgyas seng ge 'bral med du bsten/ sbrul lor rje sangs rgyas seng ge dag pa'i zhing du gshegs khar thar rtse pa gnang nas/ dgongs rdzogs kyi dka' ba dang len dang / rang la yod pa'i dngos po gang yod kyang btang / de nas bla ma skad byas kyang lugs gnyis char nas bstan par phan pa dka'/ snyigs ma'i dus 'jig rten zang zing thab skyong med na/ chos dang mi mthun pa'i grwa mang sbyin bdag gi bsam pa rdzogs pa dka'/ de byas nas dad rdzas log 'tsho dang / rnyed pas rnyed pa tshol bar 'gro/ de bas 'tsho ba ngan 'drangs