[A:29]gyis/ bstan pa dang sems can la phan pa srid gsungs/ de nas dgung lo bcu drug par mngon rtogs rgyan 'grel pa don gsal dang bcas pa/ brtag gnyis gur sogs gzhung du ma/ kun rig sogs kyi cho ga 'ga' la slob gnyer mdzad/ rje'i yab la 'bras yul skyed tshal mkhan po gung pa chos rje byams pa bkra shis grags pa rgyal mtshan dpal bzang pos skyed tshal du slob gnyer la gtang dgos gsungs pa dang / de skabs ngor chen dkon mchog dpal ldan gdan sar bstan pa'i rnam gzhag la phebs dus/ skyed tshal du byon na thab cha sogs 'ong gsungs/ rje rang thub bstan rnam rgyal la phebs 'dod yod pas/ yab the tshom du gyur tshe lo chen ratna bha dras chos mdzad 'di mtshan nyid grwa sar btang kyang dka' las che la ngo mtshar chung ba zhig las mi 'ong / de bas ngor du btang na 'phral phugs su legs cha che gsungs nas/ rdo rje 'chang gi dbon brgyud rje sangs rgyas seng ge'i drung du sbyor gtong zhus nas/ dgung lo bcu drug pa dbyug zla'i dus tshes bzang po la yab kyis e waM chos ldan du bskyal/ dgung lo bcu bdun pa nag zla'i dus tshes bzang po la thams cad mkhyen pa dkon mchog lhun grub kyis mkhan po rje sangs rgyas seng ges slob dpon grib tshod pa shes rab rgyal mtshan sogs la rab byung mdzad/ slar nyer bzhi pa la rje sangs rgyas seng ges mkhan po/ rje shar khang pas las slob/ dkon mchog dpal ldan pas gsang ston/ grib tshod pa dkon mchog rin chen sogs las bsnyen par rdzogs par mdzad/ mkhan po de rnams dang sngags 'chang ngag dbang kun rin/ gnyan chen grags pa blo gros/ chos rje blo gros grags pa mnga' ris pa blo gros bzang po/ /byang gling pa rin chen bkra shis rgyal mtshan/ tshar chen rnams la gsan rgya dang / yab la yang sman gyi rgyud bzhi sogs gsan/ mdor na dge ba'i bshes gnyen mang po las dbang / rjes gnang / lung man ngag