[A:34]shar nas zhabs skyil krung phyag gnyis rdo rje khur tshur brla steng du bzhag /sku drang por bsrang ste/ g.yo 'gul med par bzhugs so/ /tshes bcu bzhi'i nam gsal dag pa la 'da' kha ma gsal btab ste gshegs so/ /zla ba phyed lhag par zhal mdangs je gsal byung / de nas 'gyur gdan sa pa byams pa kun dga' bkra shis kyis sku gdung chas 'jug phul nas/ dpon slob rnams kyis zhag bdun snga dro kye rdor sgrub mchod phyi dro bla mchod phul/ de nas gdan sa pas gtso mdzad dge 'dun dgu brgya tsam gyis zhag bcu ngor lugs lnga'i dkyil 'khor rdul tshon las bsgrubs/ gzhan yang lo du mar 'di bzhin sgrubs dgung zhag ring rtse gdong bdag chen dpon slob rnams kyis sgrub mchod dang / bla mchod mdzad zla ba bcu gnyis pa'i nyer bdun tho rangs 'jam dbyangs rtse gdong pa dpon slob rnams kyis sku gdung zhugs 'bul mdzad/ lam 'bras dang / lam zab kyi kha skong / sku rten dus thang gsung rten bka' 'bum pusti gsum/ thugs rten gser dngul ra ma lug gi rnam rgyal mchod rten sogs dgongs rdzogs legs par grub cing phrin las rgyun mi 'chad pa nyid do/ /rgyas par shar chen byams pa kun dga' bkra shis kyis mdzad pa dang / drung chen bsod nams shes rab kyis mdzad pa'i rnam thar du blta'o// //shar chen byams pa kun dga' bkra shis ba ni/ sa skya'i shar logs su gu ra bla brang du yab bdag po kun dga' ye shes dang / yum dbang ldan ma'i lcam mo/ dbang ldan rgyal mo'i sras su sa pho rta'i lo la byon/ yab kyi mtshan kun dga' dpal 'byor du gsol/ dgung lo bdun brgyad tsam nas dge slong g.yu thog pa zhes bya ba las 'dri klog sogs brda bstan pa tsam gyis mkhyen/ dgung lo dgu bcu'i dus rtsa rgyud brtag gnyis tshul ljon sogs thugs la sbyang bar bzung / dgung lo bcu gcig pa sa pho 'brug gi lor e waM du phebs/ bla brang du bzhugs/ dpal kye rdo rje'i sgrub dkyil sogs thugs sbyang