[A:35]mdzad/ rje sangs rgyas seng ge'i drung du lam 'bras yongs rdzogs brtag gnyis kyi bshad bka' sogs/ chos dang 'jig rten gnyis ka'i bka' drin stsal/ lo de'i nag pa zla ba'i tshes nyi shu'i nyin/ mkhan po rje sangs rgyas seng ge /slob dpon rje shar khang pa/ dus bsgo ba brang ti nam mkha' dpal bzang sogs las rab byung mdzad/ mkhan po'i zhal nas khyed rang gi khu mes bdag po kun dga' bkra shis zhu ba yag po cig byung ba de bzhin byed gsungs nas mtshan kun dga' bkra shis gsol/ sbrul lo la rje sangs rgyas seng ge thar rtser bde bar gshegs/ de yan chad rje sangs rgyas seng ge pas lugs gnyis kyi dbu 'don mdzad/ de nas mtshungs med dkon mchog dpal ldan e waM pa'i gdan sar phebs pas de nyid kyi thugs sras spyan gyi 'bras bu ltar 'tsho ba mdzad/ dgung lo bcu gsum pa lcags rta la shar khang pas mkhan tshab mdzad pa'i drung du gsung ngag sogs chos mang du gsan/ de nas rje dkon mchog dpal ldan pa'i chos bum pa gang 'byo'i tshul du gsan/ dgung lo bcu dgu pa la rtse gdong bdag chen kun dga' bde legs pas gsol chas kyi mthun rkyen dang bsnyen rgyas mdzad/ drung yig kun dga' lhun grub kyis sgrub g.yog byas te kye rdor gzhi bsnyen sbyin sreg dang bcas pa mdzad/ de nas e waM du phebs te bzhugs sa gzims phrug tu mdzad/ dgung lo bcu drug pa nas bzung ste gsung chos gsan pa dang / thugs sbyong dang / thugs dam ma chag pa'i ngang nas e waM pa'i zur chos pa mdzad de/ khams mnga' ris dbus gtsang gi phyogs rnams nas 'dus pa la/ gang 'dod kyi chos 'khor bskor bar mdzad/ rje dkon mchog dpal ldan gyis rje 'di dang brang ti nam mkha' dpal bzang gnyis char la bde mchog nag po pa'i rdul tshon du dbang gnang nas/ rje nam mkha' dpal bzang la ba so'i kha TwAM ga dang / rje 'di la