[A:38]gnang / sprel lo'i hor zla drug pa'i tshes bcu nas e waM nas chibs kha bsgyur/ shar lam lha sar mar me snyan dar sogs kyis mchod pa dang / phyag bskor smon lam rgya cher mdzad/ de nas rim gyis mdo khams lho stod du phebs/ chos rje ri bo dga' ldan pa'i grub mtha' 'dzin pa'i bla ma dge 'dun sbyin bdag rnams kyis gsang 'dus dang / dmag zor sogs zhus te/ dngul stobs che'i 'bul ba dpag med byung / skyo mda' bsam 'grub kyi chog sder dpal sa skya pa 'jam dbyangs kun dga' blo gros legs pa'i 'byung gnas rgyal mtshan dpal bzang po bzhugs pa dang mjal/ bdag rkyen dang gnang sbyin dpag med mdzad/ bdag chen de'i drung du gur drag /tshe dpag med lha dgu /'jam dbyangs dmar ser sogs gsan/ bdag chen 'di ni byang sems 'byongs shing gur drag bsnyen pa dung phyur mdzad pas zhal gzigs pa sogs yon tan bsam gyis mi khyab khams phyogs su sa skya pa'i bstan pa la sku drin shin tu che/ lha khang gdung brgyud kyi rjes ma yin no/ /de nas khams stod smad sogs mdo khams gyi sa cha thams cad du byon te/ rgya bod kyi 'khrugs gzings 'dums mdzad/ bsnyen bkur 'bul nod blos mi 'khyud pa byung / 'bul skyel kyang len 'ga' zhig mdzad/ lcags stag la rje dkon mchog dpal ldan pa'i phyag rtags gnang byung ba las/ khyed dpon slob gdul bya dang 'khor mangs kyi blo khrid nas da bar 'gyang pa zhig byung / nged rang gi bsam pa la nged kyi phung po 'di la chas zhugs dang / sbyin sreg zhig khyed kyis byed pa'i re ba yod kyang / re ba ston ka'i sprin bzhin dengs song gsungs byung nas dbus gtsang du 'byon grabs byas pa nas rje dkon mchog dpal ldan sa stag lo hor zla brgyad pa'i tshes gnyis la gshegs pa'i skad cha sleb/ yar lam dge 'dun gyi sde thams cad la mang ja