[A:40] de nas bzung ste dgung lo nga brgyad pa yos lo nag pa'i tshes brgyad la gshegs kyi bar ngo mtshar mkhas pa'i bgyi ba gsum dang / 'khor lo gsum gyis bstan pa gsal bar mdzad/ bstan 'dzin slob ma sbyin bdag sogs bsam gyis mi khyab bo/ /gshegs lo'i hor zla gnyis par rtse gdong zhabs drung kun dga' bsod nams lhun grub spyan drangs te/ thugs dam kha gso dang ngor pa la lam 'bras gnang ba dang mkhan por bkod pa'i zhal bkod mdzad de gshegs/ dbon chen shes rab 'byung gnas kyis dgongs rdzogs legs par bsgrub par mdzad do/ /rgyas par mkhas pa'i dbang po ngag dbang brtan pa'i rdo rjes mdzad par blta'o// //rtse gdong khri chen 'jam dbyangs kun dga' bsod nams lhun grub ni/ rigs khyad par can sa skya 'khon gyi gdung brgyud pa rnal 'byor dbang phyug gi sprul par grags pa kun dga' bde legs dang / yum dpal bu khrid kyi sras su/ skyes bdag gi lo rgyal gyi zla ba'i tshes brgyad/ res gza' lhag pa skar ma dbyug par byon/ sras gsum gyi che ba yin/ rtse gdong gzims khang / sa lo chen po 'khrungs pa'i gzims chung phun tshogs gling gi shar zil gnon du 'khrungs/ sku na phra mo'i dus yum la nga'i gnas po ta la yin gsungs/ mtshan rdo rje rgya sog tu gsol/ mtha' mi'i ming smos nas dge zer ro/ /dgung lo dgu pa la ngor du yab dang lhan cig e waM du byon/ rje 'di gzims phrug tu mkhan po/ /rje dkon mchog dpal ldan dang / slob dpon brang ti pa/ grib tshod mus chen nam mkha' dpal bzang sogs las rab tu byung / mtshan kun dga' bsod nams lhun grub bkra shis grags pa rgyal mtshan dpal bzang por gsol/ rje rdo rje 'chang gi khri thog nas tshogs chen la 'jam dbyangs a ra pa tsa na'i rjes gnang gnang / shing rta'i lo nA lendra'i mkhan po lum pa byams pa kun dga'