[A:41]chos grags/ she'u lo tsAr grags pas do dam mdzad nA lendra'i mkhan por mnga' gsol/ shar chen byams pa kun dga' bkra shis 'das ma thag ngor gyi gdan sar mnga' gsol/ ngor du lam 'bras tshar bzhi tsam gnang / sa lo'i rjes nas rtse gdong du rje 'di pa kho na phrin las che/ bla ma gong smos kyi mkhan slob de dag dang / thub bstan mkhan chen rje byams pa kun dga' rab brtan sogs bsten/ thar rtse paN chen gyi mkhan po dang / byams pa rab brtan pas slob dpon mdzad de/ dge 'dun grangs tshang ba la bsnyen par rdzogs/ dgung lo don gnyis pa la gshegs/ dus mchod tshes bcu la 'dzin/ rgyas par rje ngag dbang brtan pa'i rdo rjes 'dzad pa'i rnam thar du blta'o// //sgrub khang nas mkhas grub dpal ldan don grub ni/ gcan lung mkhas sngar rigs sa skya'i dbon chen 'od zer seng ge'i brgyud pa chu 'dus sgrol smyon gyi zur bu nam mkha' grags kyi brgyud pa bsod nams zhes bya ba yab/ yum dpal ldan bu 'dren gyi sras su chu phag la sku 'khrungs/ mtshan bsam 'grub dar po zhu/ chung ngu nas chos kyi bag chags brtan/ 'bri klog sogs brda bstan pa tsam gyis mkhyen par thugs rab che/ dgung lo bcu bzhi par e waM chos ldan du phebs/ rje dkon mchog dpal ldan gyis mkhan po/ gdong kha slob dpon kun dga' mchog ldan pas slob dpon mdzad de rab tu byung mtshan dpal ldan don grub ces gsol/ e waM gyi 'don chos spyod bsgrig kun myur du chub par mdzad/ dgung lo nyer dgu pa la lcags yos zla ba dgu pa'i gral tshes nyin/ brang ti nam mkha' dpal bzang gis mkhan po/ /mus chen nam mkha' dpa' bzang gis slob dpon/ bco brgyad chos rje ngag dbang mchog legs rdo rjes gsang ston/ grib tshod pa dbu mdzad mgon po bkra shis sogs las thar pa