[A:45]btsun zhing tshul khrims kyi dri bsung mnga'/ dngos po la chags 'dzin mi mnga'/ mngon par shes pa dang ldan/ e waM bzhugs khrir sbrul lor 'khod/ dgung lo zhe drug pa bya lo hor zla drug pa'i nyer gsum la lho bod mtshams su sku gshegs/ sku gdung e waM du spyan drangs/ rje nam mkha' dpal bzang pas dgongs rdzogs legs par bsgrubs so// //bdag po rgyal rtse ba byang pa ngag dbang bsod nams rgyal mtshan ni/ shar kha bdag po'i rigs/ yab bdag po mthu stobs pa dang / yum g.yas ru byang pa'i lcam yid 'dzin dbang mo'i sras su khyi lo hor zla cho 'phrul zla ba'i tshes bcu la byon/ chung ngu nas chos kyi bag chags brtan/ 'jam dbyangs bsod nams dbang por rab tu byung / sa skya'i lha khang chen mor mtshan nyid sbyangs/ gdan sa gong 'og ngor dang mkhan ngag dbang chos grags sogs las gsan rgya che bar mdzad/ thugs dam smin/ lug lor ngor du lam 'bras gnang / bya lor ngor gyi chos khrir yang phebs yun rings ma bzhugs/ dgung lo don bdun pa stag lo'i nag pa zla ba'i tshes bcu gsum la mang mkhar thub bstan dge 'phel du sku gshegs/ rje 'di'i rnam thar rje rang gi gsung la kho bos kha skong byas par blta'o// //dpal e waM chos ldan gyi gdan sa nyer gcig pa dpal gling chos rje bsod nams rgya mtsho ni/ snar thang gi dpal 'byor gling du yab chos rgyal 'phags pa'i zhabs tog rgya nag gi gyad cig gi rigs yin par byed pa rgyal po bkra shis dang / yum dpal mo sgrol ma zhes pa'i sras su me sbrul la byon no/ /mtshan tshe ring rdo rjer gsol/ dgung lo brgyad pa shing pho bya lor snar thang zur khang gi slob dpon bsod nams rdo rje'i drung du rab tu byung / mtshan bsod nams rgya mtshor gsol/ thog ma 'bri klog nas bya ba chos spyod kyi skor rnams