[A:44]ldan dang / yum nang so shar phyogs nas kyi sras mo padma tshe ring gnyis kyi sras lcam sring bzhi 'khrungs pa'i che ba'o/ /'khrungs sa bzhad kyi khyel zhes par/ me pho spre'u'i lor bltams/ dgung lo brgyad par khu bo bdag chen pas mkhan po dang / rgya tsho bla chen dkon mchog rgya mtshos slob dpon sogs las rab tu byung / rtse gdong phyogs las rnam rgyal du dgung lo nyer gcig pa la khri chen kun dga' bsod nams lhun grub las bsnyen par rdzogs te/ gong du smos pa'i bla ma de rnams dang / gzhan yang mkhas grub dpal ldan don grub/ lo pa spyan snga kun dga' don grub/ dpal ldan sa skya pa sngags 'chang ngag dbang kun dga' bsod nams sogs las dam pa'i chos mang po gsan/ mkhas btsun bzang gsum gyi go 'phang brnyes/ bdag nyid chen po jo bo rje dpal ldan a ti sha'i rnam 'phrul du grags/ glang lo hor zla gsum pa'i rgyal ba gsum pa'i tshes la ngor gyi chos khrir 'khod/ gdan sa lo nyer brgyad mdzad/ de skabs zha lu mkhan po'ang thog cig gnang / lugs gnyis kyi sgo nas zhal ngor gnyis la phan thogs shin tu che ba byung / chu sbrul gyi lo cho 'phrul zla ba'i nyer gcig la sku gshegs/ sku dbon bdag chen ye shes bzang po sku mched dang / gnyer chen kun dga' dpal bzang sogs kyis dgongs rdzogs kyang rgya chen po bsgrub pa/ shar pa gong ma rnams kyi rnam thar ni rdo rje 'chang sogs bla ma gong ma rnams kyis mdzad pa'i rnam thar du shes la/ rje 'di'i rnam thar rgyal rtse zhabs drung ngag dbang bsod nams kyis mdzad par blta'o// //mkhan chen nam mkha' rin chen ni/ brang ti nam mkha' sangs rgyas kyi sku dbon te shab stod rje lung du byon/ chung ngu nas thar rtser khu bo'i drung du bsten/ rigs brgya'i mgon po de nyid dang / shar chen shes rab 'byung gnas sogs las bka' chos mang po gsan/ sku