[A:4]po'i rgyal tshab/ rje btsun mus pa sems dpa' chen po dkon mchog rgyal mtshan ni/ g.yas ru byang gi cha mus stod stag mo gling skya zhes par yab dkon mchog bzang po dang / yum nam mkha' skyong gnyis kyi sras su sa pho 'brug la 'khrungs/ mtshan dkon mchog dar zer rus sdong / rigs zhang ste bod rgyal po'i sku zhang gi rigs so/ /yab mes rnams kyang zhi dul dang ldan zhing / thugs rje chen po la thugs dam mdzad cing / sku tshe ring po bzhugs pa re byung gsung / rje 'di nyid gzhon nu nas 'khor ba mtha' dag sdug bsngal mtha' med du rtogs nas/ chos kyi snang bas dus 'da' ba la/ gzhan gyis de'i don ma go bar pho ma skyes su byed pa dang / a rjes sun 'byin kyang byas gsungs so/ /dgung lo dgu par rgyal sras thogs med pa'i slob ma/ dbang 'od bzang pos mkhan po dang / slob dpon dpal 'od pa la dge tshul gyi sdom pa nos/ mtshan dkon mchog rgyal mtshan dpal bzang por gsol/ dgung lo bcu gsum pa la yum 'das/ de yan gling skyar bzhugs/ de nas gle lung / ngam rings/ gnas gsar/ bo dang po la stod/ dngul chu/ sa skya/ jo nang / dbus/ nyang sogs gnas mang por byon zhing / bla ma nam mkha'i rnal 'byor/ rong ston/ rje gzhon nu rgyal mchog sogs dge ba'i bshes gnyen bzhi bcu tsam brten nas/ thos pa rgya mtsho'i pha rol tu son par mdzad/ sa skya sogs su grwa skor mdzad de mkhas par thag chod/ gcod dang blo sbyong sogs thugs nyams su bzhes pas nyams rtogs bsam gyis mi khyab pa 'khrungs/ dgung lo so lnga par lha sar bskor ba 'bum gter mdzad/ yar lam nyang stod du/ red mda' ba'i bshes gnyen bdun gyi gtso bo gangs chen kun dpal gyi mkhan po gnas rnying don grub rin chen dang / rgyal tshab dar ma las gsang / chos rje rgyal mchog pas grib tshod pa sogs/ dge 'dun