[A:5]rgya mtsho'i dbus su bsnyen par rdzogs/ de nas 'khor lo bde mchog lo nag dril gsum la sgrub pa snying por dril bar bzhed nas/ snyigs dus kyi rdo rje 'chang chen po kun dga' bzang po shAka bzang sku 'bum na bzhugs par bsnyen te dpon slob thugs yid gcig tu 'dres/ de nas bzung ste sa skya dang / ngor dgon pa btab pa nas rje ma 'das bar du mus dang yar 'byon mar 'byon lan brgyad sogs mdzad/ chos thams cad bum pa gang 'byor gsan/ ngor pa'i bu slob thams cad kyis bla mar khur te/ bla ma yab sras zhes 'bod/ rje sku gshegs pa'i tshe rgyal tshab tu dbang bskur/ byi glang stag gsum ngor du bzhugs nas dgongs rdzogs rgya chen po bsgrubs/ de nas mus su grub pa gtso bor mdzad pa'i ngang nas ngam rings dang / slar yang ngor du phebs/ 'jam dbyangs sher rgyam pa rgyal tshab tu bskos/ lam 'bras sogs gnang mthar mus kyi bsam gtan phug tu dgung lo brgyad cu gya gsum pa la glang lo smin drug zla ba'i tshes brgyad la bde bar gshegs/ kha rag sgom chung ba dang / gnyan phul byung ba sogs kyi skye bar grags/ mngon shes dang grub rtags bsam gyis mi khyab pa mnga'/ mdor na 'chad rtsod rtsom gsum mkhas btsun bzang gsum sogs yon tan bsam gyis mi khyab pas/ rje ngor pa'i slob rigs thams cad dang / sa skya 'khon gyi gdung brgyud rnams dang / rin spungs pa dang / byang pa sogs sde bdag chen po rnams la sogs pa gangs can gyi che dgu thams cad kyi 'dren pa dam par gyur pa'o/ /rje 'di'i rnam thar mkhas pa gung rus mdzad pa/ go bo rab 'byams pa bsod nams seng ges mdzad pa'i rtsa 'grel kha bskang dang bcas pa/ byams chen rab 'byams pas mdzad pa'i gsol 'debs srad pa kun blos mdzad pa/ rwa dbon yon tan dpal