[A:7] bla ma gzhan yang bdag chen grags pa blo gros/ mkhan chen g.yag pa/ spos khang rin rgyal/ chos rje bsod nams blo gros/ paN chen nags rin/ mkhan chen kun dga' rin chen/ kun mkhyen shes rab dpal/ chos rje dbon ston thub pa/ chos rje grags pa don grub sogs bla ma mang por chos gsan/ drug pa rdo rje 'chang chen po'i ngo bo kun dga' bzang po'i zhabs drung du dgung lo so bzhi pa bya lor e waM chos ldan 'debs pa dang mtshungs par bsnyen/ gdams ngag bka' chos thams cad bum pa gang 'byor gsan/ lam 'bras tshar bcu gsum gsan/ nyang stod dgon gsar du rong ston mjal bar phebs dus dza/ sna rje la gnang nas rten 'brel bsgrigs/ snar thang du grwa tshang zur du gnang / mkhas pa lhun grub grags pa la stsal/ rje nyid e waM kho nar bzhugs/ rje rdo rje 'chang dgung lo nga gnyis pa la mnga' ris su gdan drangs/ rje'i slob ma drag shos cig thub bstan dar rgyas gling du rje'i bzhugs khri la 'jog dgos tshul byung ba la/ rje 'di la bslab ston gnang ste/ 'phags pa rin po che'i ber thul dang chos dung sogs gnang ste rten 'brel 'grigs/ yab sras gnyis kyis chos 'khor rgya chen po bskor/ sa mo sbrul lo zla ba drug pa la rdo rje 'chang chen po e waM la 'byon khar/ khyed rang re zhig 'dir bstan pa'i bya ba mdzod/ de nas e waM gyi gdan sa/ slob dpon dkon mchog rgyal mtshan/ kha char mkhan po nyid cag gsum sku tshe gang ring yin/ de mtshams kun dga' dbang phyug 'os yin gsungs/ rje 'di mnga' ris su rdo rje 'chang chen po dang tshul mtshungs 'gro don mdzad de/ thub bstan dar rgyas gling du lo bcu gcig bzhugs/ slar me glang la rje'i sku gdung mjal ba sogs la e waM du byon/ rgyal tshab dam pa/ dkon mchog rgyal mtshan la 'bul ba dang / dge 'dun bsnyen bkur sogs rdo rje 'chang