[A:9]bcos la sogs pa dang / gsan yig dgos pa kun 'byung sogs mang po dang / slob ma che ba shar pa bdag chen rdo rje 'chang chen po'i sku'i dbon po rgyal tshab dam pa kun dga' dbang phyug /kha char ba bsod nams rgyal mtshan/ mkhas grub dpal rdor ba/ spyan snga kun dga' rdo rje sku mched/ byams chen mkhan po chos rje kun dga' bkra shis/ chu 'dus mkhas btsun yon tan rgya mtsho/ paN chen shAka mchog /nyag bre yon tan 'od zer grags pa rin chen/ rkyang thur mkhan po dkon mchog dpal/ slob dpon bsod nams dbang phyug /a gar chos rje grags pa dpal bzang / mkhas pa lhun grub grags pa/ thub bstan dar rgyas gling gi mkhan po yon tan chos rgyal/ byams gling mkhan po yon tan tshul khrims rgyal mtshan/ sde snod 'dzin pa legs pa'i shes rab/ steng chen mkhan po nam mkha' dpal bzang / paN chen grags rgyal/ chos 'khor rgyal byed tshal gyi mkhan po shes rab 'bum la sogs pa rab tu mang ngo / /bstan pa'i sbyin bdag a mgon bzang po sku mched yab sras rnams dang / chu 'dus bdag po sogs so/ /dgung lo bdun cu sa bya'i lor rgyal ba yab sras gsum gyis mgrin gcig tu dbang bskur ba rgyal tshab dam pa kun dga' dbang phyug e waM bzhugs khri la mnga' gsol/ rje nyid e waM gzims khang 'og tu thugs dam la bzhugs/ dgung lo bdun cu don dguu sa rta dgun zla ra ba'i tshes gsum la bsnyung ba med/ 'da' ka ma gsal btab ste sku gshegs pa'i tshul bstan/ rgyal tshab dam pa kun dga' dbang phyug gis zhu 'bul dang / gshegs rdzongs yang dag par mdzad de/ rgyas par rwa ston yon tan dpal bzang gis mdzad pa'i rnam thar du blta'o// //rgyal tshab dam pa kun dga' dbang phyug ni/ chos rje rdo rje 'chang dang gdung rigs gcig pa/ chos rje shar pa ye shes rgyal mtshan gyi gsol