[A:10]dpon/ drung chen bde legs dang / mus kyi mthong ba sras btsun dpal ldan bzang mo'i sras su chu mo yos la lhums su zhugs nas/ shing pho 'brug la 'khrungs te/ sems dpa' chen po shAkya bzang gi sku 'bum du chos gsan du phebs pa dang dus mnyam mo/ /dgung lo drug bdun bzhes par dge bsnyen kun dga' grub ces gsol/ kha'u skyes lhas su slob dpon dpal ldan don grub kyi drung du bslab sbyong mdzad/ de'i tshe mgon po gdong bzhi ba brag la thim pa'i sgo chung dam 'byar bshig nas bltas kyang 'khu ldog ye ma byung gsung ngo / /dgung lo bcu gnyis shing yos la bla brang shar du rdo rje 'chang kun dga' bzang pos mkhan po dang / byang phug kun legs pas slob dpon mdzad de rab tu byung / mtshan kun dga' dbang phyug tu gsol/ byang phug tu kye rdor rgyud gsum la thugs sbyang mdzad/ chos rje rdo rje 'chang dag pa'i zhing du ma phebs par 'bral med du brten nas/ gsol zho'i mdzo mo 'tsho ba sogs phyi nang gi las su bya ba mtha' yas pa zhig la dka' ba chen po spyad/ dgung lo nyer bdun sa rta lor mkhyen rab kyi dbang phyug kun dga' bzang pos mkhan po/ mus chen pas las slob/ kha char sems dpa' chen po bsod nams rgyal mtshan pas gsang ston/ grub chen nam mkha' dpal bzang pas grib tshod pa sogs/ dge 'dun gyi dbus su bsnyen par rdzogs/ sdom pa gsum gyi bslab bya la gces spras su mdzad/ rdo rje 'chang chen po las chos thams cad bum pa gang 'byor gsan/ phyag len sogs byin rlabs kyi drod rtags ma yal bar bzhugs/ rje mus chen 'jam dbyangs sher rgyam pa dang / nyag bre yon tan 'od zer sogs la'ang chos mang du gsan/ mdor na thos bsam mthar phyin nas/ kye rdor yab yum sogs bsnyen sgrub mthar phyin/ shing mo bya lo sems dpa' chen po'i drung du phebs par brtsams pa'i tshe/ rje btsun rdo rje 'chang