[A:56]las 'das nas lo brgya na li yul byung ngo / /de bzhin gshegs pa mya ngan las 'das nas lo bye ba phrag lnga bcu rtsa bdun dang sa ya phrag bdun na sangs rgyas byams pa 'byung ngo / shAkya thub pa mya ngan las 'das nas lo nyis stong lon pa na yul kau shAmbir bstan pa nub ces thos nas/ yul gzhan gyi bstan pa nam nub 'phags pa dge 'dun 'phel la dris pa dang / zla ba'i snying pos zhus pa'i mdo las mya ngan las 'das nas lo nyis stong du gang zag gi shes pa'i rgyun la gnas so zhes pa dang / de nas ni nub bo/ /lo sum stong ni chos gnas so zhes bya ba la sogs pa dang / bcom ldan 'das kyi lha mo dri ma med pa lung bsten pa las/ nga yongs su mya ngan las 'das nas lo nyis stong lnga brgya nas gdong dmar can gyi yul du dam pa'i chos rgyas par 'gyur ro zhes bod kyi yul du chos 'byung bar lung bstan pa dang 'gal ba dang / gzhan yang 'phags pa klu sgrub la sogs pa lung bstan pa'i lo grangs dang / rgyal po la sogs pa'i rabs brtsis pa dang / dam pa'i chos 'phel 'grib kyi rabs brtsis na mi 'thad ces gsungs te/ rgyas par yi ge mangs pa'i 'jigs pas ma bris so/ /bdag kyang rje btsun sa skya pa chen po'i rjes su 'brangs te khas 'che'o/ /zhar la 'ongs pa gzhan yang yod mod kyi re zhig bzhag go /
de bzhin gshegs pa mya ngan las 'das nas lo bzhi brgya na 'phags pa klu sgrub byon nas lo drug brgya bzhugs te lo stong nas 'das/ de'i slob ma'i mchog rnams kyang 'das yun ring mo zhig na slob dpon zla grags byung bar khong rang gi gzhung las byung / zla ba grags pa dang tsandra go mi dus mnyam/ de nas dus re zhig na seng ge bzang po dang ye shes zhabs byon te/ ye shes zhabs kyis tsandra go mi'i lung bdag grub par 'jug par grags so/
/skabs kyi don chos rje'i rnam thar nyid kyang 'dir rgyas par ma spros te/ yi ger 'dri zhing phyogs kun tu sgrogs pa re zhig bdag la ma gnang ba'i phyir ro/ /'dir bshad pa la sgro skur med de/ de yang yun ring du brten pa'i