bsgrub pa'i ched du/ dpal e wa~M chos ldan gyi dgon par byon/ chos spyod 'don chog /rgyud chung bzhi/ kun tu dgos pa'i gzhung bdun sogs sbyangs pa mthar phyin/ 'jam dbyangs dkon mchog grags pa/ ngag dbang chos skyong bzang po/ mkhas grub sangs rgyas grags pa sogs chos kyi spyan ldan dam pa mang po spyi bo'i cod pan du bkod de/ rab 'byams sde snod rgyud sde'i nying khu so byang sngags gsum/ gsung ngag rin po che sogs zab khrid duu ma/ dgyes pa rdo rje bka' babs bzhi sogs dbang dang rjes gnang byin rlabs skor du ma/ dam pa snga ma'i bka' 'bum sogs lung rgyun bzhugs rigs legs par gsan te/ sgom pas nyams myong gi yon tan gong 'phel du gyur/ ngag dbang phun tshogs don grub kyi gdan tshab tu 'og min e wa~M chos ldan gyi chos khri la mnga' gsol/ sdom pa gsum dang / dges pa rdo rje'i zab khrid lam 'bras bu dang bcas pa'i gdams ngag sogs gang la gang 'dod kyi smin grol bsam gyis mi khyab pa zhig stsal nas/ gdul bya rigs can sna tshogs srid pa'i mtsho las bsgral te thar pa'i grong khyer mchog tu phyin pa dang / mkhas grub ngag dbang dam chos/ mkhan chen bsod nams dpal 'byor sogs dge ba'i bshes gnyen mang po 'phel bar mdzad cing bla ma lha dang bcas pas rjes su bzung ba'i grub pa'i dbang phyug chen por gyur pa zhig go/
! gdan rabs zhe gsum pa byams pa nam mkha' 'chi med ni/ sngon gyi dus su chos rgyal srong btsan sgam po'i bla sman mi dgu'i ya gyal brang ti rgyal gnyen mkhar phug nas bzung dngos grub brnyes pa'i dam pa'i skyes bu bar ma chad par byon pa'i rgyud du skyes te sngon gnas rjes su dran pa sogs yon tan bsam gyis mi khyab pa mnga'/ shrI e wa~M thar pa rtser pheb nas phyi nang gi rig gnas dang / kun tu dgos pa'i gzhung bdun/ rgyud chung bzhi sogs mdo sngags kyi gzhung du ma thugs la bzung / khang sar mkhan chen ngag dbang chos skyong bzang po las lam 'bras tshogs bshad gsan/ dpal ldan sa skya'i mkhan po sbyin pa bkra shis las bsnyen rdzogs kyi sdom pa nod/ 'jam mgon ngag dbang kun dga' blo gros las lam 'bras tshogs slob gnyis kyis thog drangs pa'i snyan brgyud tshad ma bzhi ldan gyi gdams pa mtha' dag la thos bsam sgom gsum gyis gtan la phab/ phan khang sku dbon dang skyo mda' bla ma sogs yongs 'dzin dam pa bcu phrag lnga las lhag pa las zab rgyas kyi gdams pa rgya mtsho lta bur gsan/ phyag len phra mo tsam la'ang ma 'dres par so so'i lugs bzhin mdzad/ rje rdo rje 'chang gi khri la zhabs pad bkod de lo grangs du ma'i bar du snaud ldan rnams smin grol la bkod/ sde dge chos rgyal chen po'i dbu'i mchod gnas su pheb/ slob dpon chen po padma kA ra sogs lhag pa'i lhas zhal gzigs/ brag la phur pa btab pa sogs grub pa'i sa la bzhugs pa'i mtshan rtags mngon sum du bstan/ phyogs der gtogs pa'i e wa~M pa'i rjes 'jug chos gra che chung thams cad la dbang lung man ngag gi 'chad spel dang / cho ga'i phyag len/ dbyangs gdangs rol mo/ rim gnyis kyi rnal 'byor sogs bshad sgrub kyi bstan pa 'khrul med du bskyangs pa'i phyag rjes da lta'i bar du gnas pa khong gi sku drin yin/ snga phyi kun tu gsung ngag tshogs bshad du ma dang / slob bshad lan gnyis kyis mtshon pa'i zab