mtshan/ 'jam dbyangs mkhyen brtse'i dbang po/ dpon slob ngag dbang legs grub sogs mkhas shing dngos grub brnyes pa du ma byon/ gdan tshab tu ngag dbang blo gros bstan 'dzin mnga' gsol te sde dge chos rgyal chen po'i mchod gnas su byon pas 'brel tshad don ldan du mdzad/ lhun grub steng du sa skya pa'i zab chos rnams lhug par stsal/ rmad shod ha lar rdo la ma Ni phyag mdzub kyis bris pa sogs grub pa'i rnam thar blo 'das su ston/ slar dbus gtsang dag pa'i zhing du bteg /mchod pa'i sprin phung 'byams klas par spros/ de nas bzung thugs dam la rtse gcig tu brtson pas dgung grangs don drug pa la sku tshe dang sgrub pa mnyam/ shing byi hor zla gnyis pa'i tshes la rdo rje rnal 'byor ma'i 'pho ba'i sgo nas gzugs sku'i bkod pa dbyings su bsdus/ dgongs rdzogs rigs bla brang chen pos sngar lam ltar mthar phyin par mdzad do/ /'di nyid kyi rnam thar rgyas pa'ang thar rtse rdo rje 'chang gis mdzad pa las rtogs par bya'o// //
! gdan rabs nga gcig pa khang sar mkhan po ngag dbang blo gros bstan 'dzin ni/ ngag dbang blo gros bzang po'i dbon rigs su 'khrungs/ phun tshogs khang sar zhabs drung gi go sar bzhugs nas rigs rus kyis dregs pa 'go ba'i nad bzhin spangs te/ byams pa kun dga' bstan 'dzin/ ngag dbang blo gros bzang po/ yongs 'dzin paNDi ta/ byams pa dpal ldan bzang po rnams rtsa ba'i rigs bdag tu bsten nas theg gsum chos kyi snying po sdom pa gsum lam 'bras che chung gtsos sa ngor gyi yab chos rgya mtsho tsam gsan sbyang mdzad cing thugs kyi bum bzang yongs su gtams/ aShtA gzhi bsnyen sogs sgrub pa'i rgyal mtshan mthon por bsgrengs/ rnal 'byor 'jam dpal bzang po'i bka'i cod pan gtsug tu mchod nas/ rgyal ba rdo rje 'chang gi chos khrir pheb/ sdom pa gsum gsung ngag rin po che cha lag dang bcas pa'i chos 'khor yun ring du bskor bas 'os su gyur pa'i gdul bya rnams smin par mdzad/ 'jam mgon ngag dbang legs grub/ dpon slob ngag dbang dge legs/ 'jam dbyangs shes rab rgya mtsho sogs gsung las skyes pa'i slob tshogs mang du 'phel ba sogs sa chen po la gnas pa'i byang chub sems dpa' sems dpa' chen po zhig go/
! gdan rabs nga gnyis pa phan khang mkhan po kun dga' bstan pa'i blo gros ni/ e wa~M chos ldan gyi rgyab phyogs su rtogs ldan dgon bkra shis chos lding grags pa na/ dpa' bo hU~M ri pa'i brgyud yab kun bzang padma rig 'dzin/ yum gang legs bu khrid gnyis kyi sras su chu rta lor sku 'khrungs/ 'chi med bstan pa'i nyi mas dpal ldan chos skyong gi dbon rin chen chos mdzad kyi sku skye yin tshul gyi lung bstan stsal/ rang nyid kyis kyang sngon gnas rjes dran gyi zhal bzhes mdzad/ bgrang bya dgu'i thog phan bde bla brang du byon/ byams pa dpal ldan bzang po las zab chos 'ga' zhig gsan/ chos spyod cho ga sogs bslab sbyang bgyis pas rig pa'i phul phyin/ rnal 'byor 'jam dpal bzang po las sdom pa gsum dang gsung ngag rin po che'i chos skor rnams zhus nas rtsa ba'i rigs bdag tu 'dzin/ rgyud chung bzhi sogs bslab sbyang mdzad/ gzhi bsnyen sogs mthar phyin nas gdul bya'i don du khams sga khog tu pheb nas slob tshogs bgrang yas smin grol la bkod/ slar dgung lo nyer lnga la ngor