cad khyab pa ni 'chi ba 'od gsal chos kyi sku las slar yang zung 'jug longs spyod rdzogs pa'i skur bzhengs te sa bcu'i byang chub sems dpa' rnams la theg pa chen po'i chos kyi 'khor lo rgyun mi 'chad par bskor ba'i rtags su mngon no/ /zla ba bcu pa'i tshes la gdung zhugs su phul bar me rang 'bar du gyur/ der yang mchod rdzas kyi dbyibs 'dra ba'i 'ja' sprin dang / dri bzang gis phyogs kun khyab pa sogs 'jig rten dang 'jig rten las 'das pa'i ltas dang cho 'phrul bsam gyis mi khyab pa mngon du bstan/ rjes kyi dgongs rdzogs rigs spyi bla brang chen mo'i sngar lam dang bstun pa gzabs rgyas kyi tshul du thugs sras 'jam dbyangs rin chen rdo rje gtsos las 'dzin rnams kyis bka' drin dran pa'i dad gus kyi sgo nas 'bad rtsol chen pos bsgrubs te/ dgongs pa rdzogs pa'i thabs tshul sgo thams cad nas lhur bzhes par mdzad do//
! gdan rabs nga bzhi pa mkhan chen ngag dbang bsod nams rgyal mtshan ni/ gtsang rong rgya sngon zhes par ngag dbang blo gros bstan 'dzin gyi sku'i dbon du mtshan dkyil gsar du 'char/ sku chung ngu nas dam pa'i rigs sad de ngor khang sar du bzhugs/ mkhan chen kun dga' bstan pa'i blo gros las sdom pa gsum dang lam 'bras sogs kyi bdud rtsi gsol/ gnang bkag gi bslab gzhi rnams gces spras kyis bsrungs/ slob dpon rdor 'dzin ngag dbang dge legs bsten nas 'don chog /rgyud chung bzhi sogs tshegs med du mkhyen pas thugs rab shin tu che bar grags/ byams pa kun dga' bstan 'dzin/ rnal 'byor 'jam dpal bzang po/ dpal ldan chos kyi rgyal mtshan/ ngag dbang legs grub sogs yongs 'dzin du ma zhig las zab chos gsan/ khyad par byams pa kun dga' bstan pa'i rgyal mtshan gyi zhabs pad yun ring du bsten nas snyan ngag gi gzhung gsan te rtsom rgyug rnams sha ra ra phul bas byang chub/ rgyun du gsung rtsom thams cad thugs bsam bzhes mi dgos pa lta bu gsung sgo shin tu yangs/ mdo sngags kyi gzhung lugs rgya mtsho lta bur gsan/ gsan lo tsam du ma bzhag par gzhung rang rang gi dka' gnad dogs gcod/ grub mtha'i zhal bzhes 'jog mtshams sogs kyi sbyangs pa phul du son/ mkhan chen de nyid kyi mdun nas gsung ngag rin po che slob bshad/ khrid yig gnyis kyi steng nas gsung bshad zhib rgyas dang / 'khor 'das dbyer med kyi lta ba rig thog nas ngo sprod de brdar sha chod nges sogs dbang khrid byin rlabs rjes gnang lung bcas tshang phrugs dang / ngor lugs dkyil 'khor bdun dang rdor phreng sogs spyi zur gyi dbang rgyun ngor pa rang la zhugs so cog dang / sgrub thabs brgya rgyam sogs rjes gnang rig gtad kyi bka' shin tu mang po/ ngor pa'i khrid chen brgyad dang / jo nang khrid brgya/ blo sbyong sogs khrid yig shin tu mang po/ bstan 'gyur dang / sa ngor bka' 'bum gtsos rang lugs kyi gsung 'bum bzhugs tshad/ dmar po skor gsum/ mgon po che chung sogs kyi be'u bum bzhugs so cog gsan/ kye rdor gzhi bsnyen sogs yi dam mang po'i bsnyen sgrub mthar phyin/ khyad par rdo rje dbyangs can ma dkar mo bsgrubs pas mkhyen rab kyi rtsal rdzogs pas mdo sngags rig gnas dang bcas pa gzigs pa tsam gyis thugs su chud/ ngor chen rdo rje 'chang gi chos kyi khri la zhabs pad bkod de bgrang bya brgyad tsam ring