la/ stod mnga' ri nas/ smad rgya mtshams yan gyi skal ldan gyi slob ma nyi zer gyi rdul ltar lhags pa rnams la gsung ngag rin po ches gtsos zab pa dang rgya che ba'i chos kyi 'khor lo bar med du bskor bas sbyangs smin gyi sa bon khyad par can thebs par mdzad/ mkhan chen 'jam dbyangs shes rab rgya mtsho rgyal tshab tu mnga' gsol te/ chen po gling bar dang / sde dge chos rgyal chen po'i mchod gnas su ma hA bho Ta'i ljongs 'dir chibs kyi kha lo bsgyur/ sde dge chos rgyal nyid kyis gtsos lhun grub steng gi bla ma las sne sogs kyis bsu ba'i bkod pa bcas sgrub khang kun khyab gling gi seng khrir bzhugs gdan 'jags/ rim gyis chos rgyal chen po ltos bcas blo gros dang ldan pa rnams la bstan bcos sdom gsum rab dbye'i gsung bshad mtha' dpyod dang bcas pa dang / gsung ngag rin po che thun mong ma yin pa'i slob bshad thar rtse rdo rje 'chang gi phyag bzhes ji lta ba khrid yig gnyis ka'i steng nas gsung bshad shin tu rgyas pa dang / 'khor 'das dbyer med kyi lta ba rig thog nas ngo sprod pa sogs dbang khrid byin rlabs lung bcas tshang sprugs su stsal/ 'jam mgon mkhyen brtse'i mdun nas dpal dus kyi 'khor lo'i dbang bka' yongs rdzogs dang / gzhan yang gsar rnying gi chos bka' shin tu mang po gsan/ thub bstan chos kyi grags pa las/ 'dul ba mdo rtsa'i gzhung bshad dang / bla ma shes rab las spyod 'jug /'jam mgon blo gros mtha' yas las shes bya kun khyab sogs gzhung bshad rigs du ma gsan/ snga phyir sa ngor dgon khag rnams la zab rgyas chos kyi bdud rtsi lhug par stsal/ lhun grub steng gi dbyar gnas tshogs dbur pheb ste sdom gsum 'jam dbyangs bla ma'i dgongs rgyan gsung bshad dpyis phyin par mdzad/ gsung rtsom gyi rigs kyang snyan ngag dper brjod nyams 'gyur phun sum tshogs pa/ lam dbang sogs chog bsgrigs mang po/ 'khor 'das dbyer med kyi lta ba nyams mgur du bzhes pa/ chab shog dang / dgon sde so sor bslab bya'i bca' yig /sdom gsum 'jam dbyangs bla ma'i dgongs rgyan gyi rang 'grel mjug rtsom 'phror lus pa'i kha skong / sa gzhung sbrags ma/ gzhi gsum gsal byed/ dus 'khor dbang chog gsal byed/ smyung gnas la gshin po rjes 'dzin sbyar chog /chos skyong gi bskang ba rigs mang po/ sman bla'i mdo chog sogs cho ga tshan mang bcas gsung 'bum rmad du byung ba'i legs bshad pusta kaHgnyis tsam bzhugs/ rje mkhyen rtse'i zhal nas/ phyis kyi mkhan chen zhig la rje 'dir paNDi ta'i mtshan gsol na'ang chog gsungs/ nyag dgras brlag shul rang lugs kyi chos sde nyam thag mang por lugs gnyis kyi sgo nas nyams gso mdzad de bstan pa'i srog mthud pas da lta rang lugs dgon sde rnams kyi mtshan chags pa 'di'ang rje 'di kho na'i bka' drin du nges/ khrom rdo dgon du bde mchog nag po pa'i sgrub mchod gsar 'dzugs smin grol dang / rten thebs rgya cher stsal/ de phyogs kyi skye rgu mtha' dag yang dag pa'i lam la bkod/ lhun grub steng sogs bstan pa'i rtsa ba 'dul khrims dang 'gal ba'i dri ma drung nas 'byin zhing dag ther bskyangs pa sogs rang bstan la gces spras mdzad ches pas dus der yid bsrubs snying la zhugs pa re zung gi blor ma shongs kyang / da ltar thams cad kyis bka' drin chen po'i rgyur go