nas dad pa'i kunda snying dbus su bzhad par gyur/ lhun grub steng du dpal dus kyi 'khor lo'i dbang mo che rje mkhyen brtse'i phyag bzhes ji bzhin stsal/ gzhan yang dbang chos ji stsal thams cad thugs thog nas ljags bshad kho nas bkrol/ gsung las skyes pa'i slob ma'ang / 'jam dbyangs shes rab rgya mtsho/ ngag dbang blo gros snying po/ mkhan chen padma rdo rje/ thub bstan chos kyi grags pa/ dge bshes phan bde bzang po/ dbon gzhan phan kun dga'/ gdong thog sprul sku/ mnga' ri chos rje/ lhun grub steng shar nub chos rje gsar rnying / chos rgyal dpal ldan 'chi med rtag pa'i rdo rje sogs mkhas btsun grub pa'i khyu mchog grangs mang / bgrang bya brgyad tsam la 'brel tshad don ldan du mdzad cing / slar gdan sar bteg pa na phyag rdzas ches phra bar gyur pa'ang dad rdzas byung rim bzhin spong dag tu bstan 'gro'i don kho nar smin pas bdag 'dzin gyis 'khri ba'i dri ma gtan bral du gyur pa gor ma chag /skye rgu don gling du 'dul ba gzhi gsum gyi rten thebs stsal/ dbus gtsang du mchod 'bul spros te gdan sar 'jag /lo gnyis tsam la bshad sgrub 'khor lo gnyis kyis dus 'das/ bstan gegs dbang bla khag yar mar zlos gzhi byung bas thug phyung ste/ kyi rong jo bo wa ti bzang po'i drung du bzhud/ der 'dul ba gzhi gsum dar bar mdzad/ bal yul mchod rten rnam gsum la bstan 'gro'i phan bde spel slad mchod 'bul smon 'dun yang dag mdzad/ glo bo rgyal pos rtsa ba'i rigs bdag tu bkur yang ring por ma bzhugs/ sku tshe ril por bya bral spros med kyi rnam thar kho nar bsrel/ slar kyi rong du pheb/ nyid kyi bsam gtan khang bur sku tshe dang sgrub pa mnyam pas grub pa'i go 'phang mthon por 'dzegs nas zab gsal gnyis med kyi ye shes mngon du gzigs/ zhal gzigs lung bstan sogs ni jo bo bka' gdams pa'i spyod tshul bzhin bum nang gi mar me ltar sbas pas bdag ltas spro bar ga la nus/ thar rtse rdo rje 'chang gi bshad sgrub las gsum gyi phrin las thams cad rje 'di la spar btab pa bzhin rdzogs pas thugs sras gcig chog tu nges/ dgung grangs nga dgu par cung zad bsnyung tshul bzhes pa na dgongs rdzogs rigs zhal chem du stsal/ thar rtse rdo rje 'chang gis zhing 'di'i mdzad pa de tsam la/ zhing gzhan du 'byon zhes bskul ba'i brdar mtshan dpe'i dkyil 'khor mngon sum mjal ba'i gsung yang yang stsal/ mthar rdo thog nas bya 'phur ba bzhin 'da' kha ma'i rnal 'byor la bsten ngo mtshar ba'i ltas bcas gzugs sku'i bkod pa dbyings su bsdus/ gdung thal las ring bsrel mang du byon pa sogs rnam thar rgyas pa gtsug lag smra ba 'jam dbyangs chos 'phel gyis bris pa las rtogs par bya'o//
! gdan rabs nga lnga pa 'jam dbyangs shes rab rgya mtsho ni/ gtsang rong sman thangs par ngag dbang blo gros bzang po'i ye shes sgyu 'phrul du rje de nyid kyi dbon rigs las ngo mtshar ba'i ltas dang bcas sku bltams/ zhal dang po phye tsam la ngor nas bcar ba rnams kyi ming thogs med du gsungs/ skyes chen rnams kyis sprul pa'i skur lung gis zin/ dam pa'i rigs sad nas ngor khang gsar bla brang du gdan drangs/ 'don chog rgyud chung bzhi sogs tshegs med du mkhyen/ byams pa kun dga' bstan 'dzin gyis mkhan po dang / rnal 'byor 'jam dpal