[A:517]bgres rnams gleng ngo / /rta lor bla brang nyid du zhi bar gshegs shing / sku gdung zhugs 'bul sogs mkhan chen tshul khrims dpal bzang gis mdzad/ rjes kyi bya ba rnams phyag mdzod dpal ldan lhun grub pas lam 'bras su kha skong sku brnyan bzhengs pa/ bla ma dge 'dun phyogs ris su ma chad pa la mang 'gyed sogs dang / dngos rdzas gzhan rnams bla brang du sbyor 'jags bcas dgongs pa rdzogs pa'i thabs bla na med par bsgrubs so// //mthu stobs kyi dbang phyug dpal mgon bi ru pa dang gnyis su med pa'i bdag cag gi mgon po tshul khrims dpal bzang po de nyid ni dpal 'byor du ma'i 'byung gnas shar mi nyag rab sgang zhes par rus kyang mi nyag ste/ yab bkra shis dga' zhes pa dang / yum a skyid ces pa gnyis kyi sras su dge mtshan du ma dang bcas ste sku bltams/ khu bo dge bshes bzang po zhig yod pa des mtshan dka' thub rgyal du gsol/ yab yum gyis bskyed bsrings nas cher phebs pa dang khu bo nyid kyis yig klog sogs bslabs pas tshegs med du mkhyen/ chung ngu nas 'khor ba la nges 'byung dang lhag par sngon gyi bag chags sad pas ngor dgon la pheb bzhed skom pa chu 'dod pa ltar gdungs pa'i dbang gis dgung lo bcu bdun pa la ngor du phebs/ de'i tshe rdo grags sgar nas bdag chen shar pa la mgo 'dren dgos pa'i yi ge rten bcas phul ba ltar/ e waM klu sdings du shar pa ye shes bzang po'i zhal mjal bas mtshan tshul khrims dpal bzang po gsol nas/ der ja mchod la thos pa rgya mtsho