[A:521]bsod nams chos 'phel sogs kyis legs par bsgrubs te/ bla brang lam 'bras lha khang du kha skong sku brnyan dang / dus thang gsar bzhengs dus mchod deng sang bar du bla brang gdan sa rim byon pa rnams dang / bla ma dkon mchog rgyal mtshan khu dbon gyis khur bzhes mdzad do/ /khrir bzhugs skabs sog po se chen dang chos skyid sogs kyis sngabs bsig gis thugs sun mang du zhus pa'i tshe mdzod nag ma nas dngos rdzas mang du song 'dug kyang / rje nyid kyi dgongs pa rdzogs phyir/ nged rang dpal ldan chos skyong nas phyag deb tu legs par sbyar/ rnam par rgyas pa 'jam dbyangs bsod nams bzang pos mdzad pa blta bar bya'o/ /bdag cag gi 'dren pa dam pa khams gsum gyi mgon po mtshungs med bsod nams dpal ldan ni/ nges don du dpal dges pa rdo rje dang dbyer ma mchis kyang / tha mal gdul bya'i snang ngor kha ba can gyi ljongs las dge bcu'i dpal gyis 'byor pa'i gtsang gi sa yi cha phyug gzhung spel skya zhes par/ yab don yod dpal zhes pa dang / yum shes dkar nang pa'i rigs las chad pa a sgos lags zhes pa gnyis kyi sras su bkra shis pa'i ltas du ma dang bcas te/ legs sbyar skad du sau mya ste zhi ba zhes pa sa mo bya'i lor sku bltams/ yab yum gyis bskyed bsrings nas cher phebs pa dang sngon goms las bzang sad pa'i mthus/ chos la shin tu dad pas e wa~M du chos sgor zhugs/ 'jam mgon