[A:522]lhun grub dpal ldan la gtsug phud phul nas mtshan bsod nams dpal ldan du gsol/ bzhi sde'i dge slong sbas pa'i rnal 'byor kun bzang lhun grub sogs mkhas btsun gyi bshes gnyen mang po bsten nas yig klog chos spyod kyi rim pa rnams dang / gzhung lugs du ma thos bsam gyis sgo nas sgro 'dogs legs par bcad pas rmad du byung ba'i mkhas par grags/ gzhan yang 'jam mgon lhun grub dpal ldan/ shar chen ye shes bzang po/ mkhas grub sangs rgyas phun tshogs/ shar chen sangs rgyas bstan 'dzin/ byams pa tshul khrims dpal bzang po sogs yongs 'dzin du ma'i zhabs pad gtsug gis blangs nas/ so so thar pa'i sdom pa/ byang chub sems dpa'i sems bskyed/ gsung ngag lam 'bras kyis gtsos pa'i rdo rje theg pa'i dbang khrid/ lung man ngag phra mo tshun chad kyang dpag tu med pa gsan zhing / dam tshig dang sdom pa rnams sku srog las gces par bsrungs/ dges pa rdo rje sogs yi dam chos skyong mang po'i bsnyen sgrub mthar phyin par mdzad/ dgung lo nyer gcig par e wa~M gdan sa pas bka' dang len gyi sgo nas sde dge lcags ra zil gnon sgar du kar me dus bstan gyi sgar 'dzin la phebs/ de skabs gdul bya blo dman pas byang chub sems dpa'i yon tan gyi cha ma rtogs pa'i dbang gis re zhig phrin las rgya che ba rang ma byung kyang / 'on kyang 'jam dbyangs sangs rgyas phun tshogs kyis lugs gnyis kyi sgo nas mgo