[A:526]chos rgyal 'phags pa rgya yul nas chibs bsgyur gnang ba'i zhabs 'bring du phebs pa rgya nag gyad kyi rigs/ khyad par 'jam dbyangs bsod nams rgya mtsho'i sku'i dbon brgyud du yab sde pa kun dga' bsod nams zhes pa dang / yum dbon mo pa sangs gnyis kyi sras su dkar po zhes pa sa mo sbrul gyi lor dge mtshan du ma dang bcas te sku bltams/ mtshan tshe ring dgos skyes su gsol te sku na cher phebs pa nas/ yi ge 'dri klog sogs kyang brda bstan pa tsam gyi tshegs med du mkhyen/ dgung lo bco lnga par e wa~M chos ldan du phebs te/ mkhan chen byams pa tshul khrims dpal bzang la gtsug phud phul nas dge bsnyen dang / dge tshul gyi sdom pa zhus pa'i tshe e wa~M pa'i bstan pa'i srog shing chen por lung bstan/ mtshan yang / byams pa bsod nams bzang po thub bstan rnam par gsal ba'i sde zhes gsol/ rang gi khu bo bsod nams rgyal mtshan sogs bshes gnyen du ma bsten nas thog mar e wa~M pa'i bya ja chos spyod tshogs 'don cho ga'i rim pa sogs dang / gzhan yang theg pa che chung gi gzhung lugs tha dag lag len phra mo tshun chad thos bsam gyi sgo nas sgro 'dogs legs par bcad/ snga phyir mkhas btsun kun dga' bsod nams pa la sogs pa mkhas pa mang po bsten/ yig rigs/ sgra snyan dngags sogs rig pa'i gnas du ma thugs nyams su bzhes pas gtsang dbus kun du phul du byung ba'i mkhas par grags shing / dgung lo nyer gcig pa chu mo glang gi lor byams pa tshul