[A:527]khrims dpal bzang gi mkhan po/ /'jam dbyangs bsod nams dpal ldan las kyi slob dpon/ mtshungs med bstan 'dzin lhun grub kyis gsangs ston pa ste dge 'dun kha skong dang bcas pa'i dbus su bsnyen par rdzogs shing / mkhan chen de nyid rang la gsung ngag lam 'bras rdo rje phreng ba sogs zab chos dpag med gsan/ slar yang 'jam mgon bsod nams dpal ldan la'ang gtso bor lam 'bras dang gzhan yang zab chos mang du gsan zhing / 'jam dbyangs 'khon ston chen po dpal sa skya pa sngags 'chang kun dga' bkra shis yab sras/ rje nyid kyi khu bo sbas pa'i rnal 'byor bsod nams rgyal mtshan dpal bzang po/ /rdo rje 'dzin pa bstan 'dzin lhun grub pa/ rmor chen thams cad mkhyen pa kun dga' lhun grub/ thub bstan mkhan chen ngag dbang tshul khrims bzang po/ /sdom brtson sangs rgyas dpal bzang sogs mkhas grub mang po la rdo rje theg pa'i dbang bskur/ rjes gnang mdo sngags kun gyi khrid lung / man ngag sogs bsam las 'das pa gsan pas mdo sngags tha dag gi mnga' bdag lta bur gyur pa'i tshul ni gsan yig logs su bzhugs par shes dgos shing / gsan pa'i dam tshig dang sdom pa yang mig 'bras ltar srung zhing / dpal kyai rdo rje/ rdo rje rnal 'byor ma/ mgon po che chung / kun rig /tshe dpag med sogs yi dam du ma'i bsnyen pa sbyin sreg bcas mthar phyin par mdzad cing / rgyun du thugs nyams su bzhes pa'i rim pa'ang yi dam chos skyong mang po'i bskyed