[A:528]rdzogs/ gtor bsngos sogs nyin re bzhin tshes de'i sum cha tsam thugs dam kho nas 'da' bar mdzad pas yi dam kun gyi ngo bo/ /chos skyong thams cad bran du bkol nus nges pa yin no/ /dgung lo nyer lnga par e wa~M chos ldan gyi chos kyi khri chen por mnga' gsol nas/ gtso bor gsung ngag lam 'bras tshar dgu lhag tsam dang / so thar gyi sdom pa stsal ba bgrang ba las 'das pa/ snga phyir rdo rje phreng ba sogs dkyil 'khor mang po'i dbang dang byin rlabs/ sgrubs thabs brgya rtsa rgya mtsho sogs rjes gnang du ma/ ngor chen rdo rje 'chang gi bka' 'bum sogs dpag tu med pa'i lung / gur zhal phyi nang gsang gsum gyi khrid kyi gtsos shin tu gsang ba'i man ngag lag len bcas/ zab chos dpag tu med pas mtha' yas pa'i gdul bya rnams tshim par mdzad de/ de'i tshe slob ma'i gtso bor gyur pa ni/ gangs can bstan pa'i mnga' bdag dpal sa skya pa sngags 'chang ngag dbang kun dga' bsod nams rin chen bkra shis grags pa'i rgyal mtshan dpal bzang po yab sras/ shrI e waM pa 'jam mgon bkra shis lhun grub khu dbon/ mtshungs med tshul khrims lhun grub/ mkhan chen nam mkha' bsam 'grub/ thub bstan mkhan chen ngag dbang tshul khrims dpal bzang po/ /shar pa bdag chen dang / rje nyid kyi sku dbon rnam gnyis/ dge ba'i bshes gnyen chen po sangs rgyas dpal bzang sogs mkhas btsun gyi slob ma rnams dang / bdag dpal ldan chos skyong dang / bstan pa'i sbyin bdag klo bo rgyal po