[A:531]bzhengs dpag med dang / bshad sgrub spel ma mdzad cing lo bzhi bzhugs/ yang bskyar klo bo pa dang mon ba 'khrug gzings che bar gyur cing / mi bsad dpag med byung bas sems can gyi sdug bsngal la gzigs nas byams snying rje tshad med pas thugs rgyud bskul ba dang / klo yul nas kyang spyan 'dren pa'i pho nya byung ba dang / gzhung sa sde srid mi'i dbang pos bka'i bskul ba rnams rten 'brel 'dzom pas/ stag lor klo bor chibs bsgyur gnang ste/ gnyis char la bka' stsal ba tsam gyis/ mtha' mi mon pa rnams las 'bras rmongs shing dmu rgod gdul dka' yang / rje 'di'i thugs rgyud la byang chub kyi sems tshad med pa mnga' ba'i mthu stobs kyis/ mtha' mi rnams dad pas yid phrogs te mos gus kyi sgo nas bla ma'i bka'/ ci gsungs dang du blangs par brten/ sems can rnams bde skyid la bkod pa 'di kho na'ang rgyal sras kyi mdzad pa rmad du byung ba'i rnam par thar pa'o/ /de nas rim gyis bal po/ skyi rong / gangs ti se sogs mnga' ris stod smad kyi gnas chen rnams la/ gnas gzigs dang de dag la kar me gser chab snyan dar mchod 'bul bsam gyis mi khyab pa dang bcas pa'i sgo nas/ bstan pa spyi sger dar zhing rgyas pa dang / sems can la bde skyid 'byung ba'i smon lam rgya chen po mdzad nas rim gyis byon nas gdan sa chen por 'jam dbyangs mi'i tshul 'dzin yab sras la legs 'bul mang 'gyed/ rten gsum rnams la mchod