[A:532]'bul phrin bcol sogs rgya cher mdzad/ gdan sa nas kyang bka' chos kyi 'brel pa gtso bor gyur pa'i bkur gzos legs 'bul dpag med dang bcas phebs pa'i snyan pa'i gtam gyi pho nya byung 'phral/ e wa~M pa'i bla spyi thams cad kyi chibs bsus te phebs/ bla brang gtso bor gyur pa'i zur bzhi rnams la gnang skyel zab pa dang / dge 'dun rnams la grwa 'gyed ser skya spyir gang 'tshams kyi gnang cha bka' drin skyong / de 'phral lha ldan du chibs bsgyur te mchod yon rnams la mjal phyag lha ldan du mchod 'bul/ klo 'dzum gnyis kyi gnas tshul zhib rgyas dang / kha che'i yul gyi rta ti pi bcag ngo mtshar ba sngon du phul ba bcas/ gong sa yas phyin nas bkur gzos lugs gnyis kyi bdag rkyen kun gyi mgrin gcig tu sgrogs pa dang / lhag par e wa~M gyi bstan spyir phan pa'i bka' rten rim can la rgyab skyor shel tham bka' drin zhu phyis bdag las thog dpal chos nas kyang zang zing gi phyag rten spam mi dman pa dang bcas zhu sbyor mgo 'dren zhus pa'ang re 'bras smin pa'i sku drin gzhal du med pa sogs legs lam phun sum tshogs pa'i khar/ slar yang e wa~M phun tshogs khang sar du sku chag phebs shing / de skabs su nyid kyi sku dbon zhabs drung bsod nams lhun grub khams gling dbon gyi gdan drangs pa nas rgyal ba'i bka' 'gyur ro cog dang / rje btsun gong ma lnga'i gsung 'bum ngo mtshar can phebs pa sogs rten 'brel shin tu legs cha che ba dang bshad sgrub kyis dus 'da' ba'i skabs der/