[A:540]mgo 'dren mdzad/ ldan ma dge rgan kun dga' bstan 'dzin pas chos spyod cho ga sogs tshogs 'don phal cher bslabs/ dgung lo nyer gsum pa legs sbyar saM skr-i ta'i skad du bha ba ste dngos po zhes pa shing mo bya lo'i nag pa zla ba'i tshes bco lnga'i nyin/ shar chen chos kyi rgyal po ye shes bzang pos mkhan po/ /mkhas grub sangs rgyas phun tshogs las slob dpon/ gar dbang bsod nams lhun grub gsang
ste
ston pa/ mus chen chos rje kun dga' rgya mtsho grib tshod pa ste/ dge 'dun grangs tshang ba'i dbus su bsnyen par rdzogs nas/ thugs zhi ba dang / dul ba dang / nye bar zhi ba lo brgya lon pa'i dge slong dgra bcom pa'i spyod lam ltar gyur cing / rtsa ba bzhi chang sogs nyes ltung gi dri ma phra mos kyang ma gos par mdzad pas/ tshul khrims kyi dri bsung bzang pos kho ra khor yug khyab pa nyid do/ /'jam mgon sangs rgyas phun tshogs la thog mar bde mchog lo hi pa'i dbang bskur zhu ba'i dbang gral du rje 'di zhal skyugs shor bas/ rje bla ma'i zhal nas grub chen buddha shrIs rnam thar gyi dpe 'dren dang / dman par chen po re ba btsun pa yin/ da res rten 'brel shin tu legs/ ma 'ongs pa na e wa~M pa'i bstan 'dzin zhig yong srid gsungs nas lung bstan mdzad/ gzhan yang rje bla ma de nyid la gsung ngag lam 'bras sogs dbang / khrid/ lung / man ngag bcas mang du gsan nas bsnyen sgrub rdo rje slob dpon gyi las rung tsam grub 'phral/ klu sdings kyi bka' dang len gyis rnam lung sgar du phebs