[A:498] bla ma mchod pa yang dag brtsams/ /de mnyes pas ni kun mkhyen gyi/ /go 'phang mchog nyid thob par 'gyur/ /zhes dang / he badzra las/ gzhan gyis brjod min lhan cig skyes/ /gang du yang ni mi rnyed de/ /bla ma'i dus thabs bsten pa dang / /bdag gi bsod nams las shes bya/ /zhes dang / gang gi
rnal 'byor ma kun spyod sogs rgyud 'ga' zhig la snang / dha ri ka pas mdzad/
drin gyis bde chen nyid/ /skad cig nyid la 'char ba gang / /bla ma rin chen lta bu'i sku/ /rdo rje can zhabs pad la 'dud/ /ces dang / ba tsha chu klung gi mdo las/ lnga brgya tha mar gyur pa na/ /nga nyid slob dpon gzugs kyi ni/ /zhes sogs dpag tu med par gsungs pa'i lung la brten nas/ /bdag cag la zab chos ston pa'i rtsa brgyud kyi bla ma rnams/ /rdo rje 'chang dang dbyer med pa'i dad pa dang mos gus skyes shing / /lhag par rang la bka' drin dpag tu med par che ba'i yon tan snying nas dran pa'i dbang gis gdan rabs phyi ma rnams kyis rnam thar kha skong mdor bsdus pa'i tshul gyis ci rigs par 'dri bar bya'o/ /de la thog mar mkhan chen 'jam pa'i dbyangs sangs rgyas phun tshogs zhes mtshan brjod par dka' ba'i bla ma dam pa de nyid 'khrungs yul ni/ stod phyogs mnga' ris kre'i 'brog gseb tu yab gnam ru g.yung drung skyabs dang / yum 'a pha mo bu 'dren zhes pa gnyis kyi sras su sa mo glang gi lor sku bltams/ de 'phral rang nyid kyi zhang pos/ rdzong