[A:499]chung pa phrin las phun tshogs kyi drung du byon nas/ phas mi 'dod pa'i bu bdag med cig btsas 'dug pa/ de la ming zhig zhu zhus pas/ de nyid kyis ming la bdag med gyis gsungs nas mtshan bdag med du gsol/ /sku na chung ngu'i dus skye ba sngon ma thugs la mnga' zhing zhal nas ma Ni gsungs pa sogs byis pa'i spyod pa spangs te chos 'chad pa sogs ngo mtshar ba'i spyod pa mang du mnga' zhing / dgung lo brgyad par 'char ston phrin las phun tshogs kyis bka' bsgo dang byin rlabs mdzad de/ bar chad bsal zhing legs tshogs kyi rten 'brel bsgrigs/ /dgung lo bcu gsum la grub chen sangs rgyas lhun grub la gtsug phud phul nas dge bsnyen gyi sdom pa zhus pas mtshan sangs rgyas phun tshogs zhes gsol zhing / gnyags ston rdo rje phun tshogs la ka smad bslabs nas brtsams yi ge 'dri klog thams cad brda bstan pa tsam gyis mkhyen/ ngor gyi bya ja chos spyod nas bzung / rgyud chung bzhi man ngag rnam bshad sogs gzhung phal cher dka' tshegs med par mthar phyin pa mdzad/ de skabs kyang dbyar nya bsrungs sogs dge ba kho na spel bar mdzad do/ /dgung lo bcu drug gi thog mkhas btsun kun dga' legs pa las rab tu byung / bka' chos kyang mang du gsan/ nyer gcig pa sa mo bya lor grub thob sko phrug pa kun dga' lhun grub dang mjal nas/ dpon slob gnyis kas 'brog pa zhig gi bla ma mdzad