[A:553]'dzin lhun grub dpal bzang po/ dus bgo bshes gnyen rdo rje bstan 'dzin bcas dge 'dun grangs tshang ba'i dbus su rab tu byung ste mtshan nam mkha' bsam 'grub dpal bzang por gsol/ lo re zhig gi bar e wa~M pa'i tshogs 'don chos spyod cho ga rnams dang / bris thig dbyangs rol sogs slob gnyer gnang zhing gtsug lag khang du sgrig rgyug kyang mdzad/ dgung lo bcu dgu par shar chen blo gros grags pas mkhan po/ mtshungs med bstan 'dzin lhun grub pas las slob/ sle lung mkhan chen rdo rje brtan pas gsangs te ston pa/ byams pa bsod nams bzang pos dus bgo ba ste dge 'dun grangs tshang ba'i dbus su bsnyen par rdzogs shing / bslab gsum khrims kyis mdzes pa'i bstan pa'i rgyal mtshan du gyur to/ /khyad par rdo rje 'chang bsod nams dpal ldan pa'i drung du/ rnal 'byor dbang phyug birWa pa'i bzhed srol gsung ngag rin po che lam 'bras bu dang bcas pa'i khrid/ rgyu lam gyi dbang / byin rlabs rgyab chos lung phal cher yongs rdzogs bcas shin tu zab rgyas dang / sgrub thabs brgya rtsa/ rje dkon mchog lhun grub kyi bka' 'bum sogs dbang lung man ngag mang du gsan/ gzhan yang khyab bdag bla ma bstan 'dzin lhun grub dpal bzang po/ mkhan chen bsod nams bzang po/ spro lung bsod nams chos 'phel/ sbas pa'i rnal 'byor rgya rong pa sangs rgyas bstan pa sogs dam pa mang po bsten nas dam pa'i chos mang po gsan pa'i tshul ni