[A:554]gsan yig logs su shes par bya'o/ /de skabs shig na mdo khams thang skya zhes par mar me dus rten 'bul sdud la phebs dgongs yod kyang / zhabs drung nam mkha' rgyal mtshan zhi bar gshegs par brten/ phyag mdzod stong bzang bas gtsos grwa tshang rnams kyis gsol ba btab nas thar rtse'i gdan sar mnga' gsol te/ rje nyid kyis khyad par du 'phags pa'i mdzad pas gdan sa skyong zhing thos bsam kyang phul du byung ba gnang nas/ bsgom pas nyams su myong ba'i tshul ni/ dus rgyun du dpal kye rdo rje/ rdo rje rnal 'byor ma/ bir srung / lam zab phyi nang / sgrol dkar/ mgon dkar/ khro bcu sogs yi dam chos skyong mang po'i bskyed rdzogs bzlas bsgom mchod gtor sogs la brtson zhing / khyad par dges rdor bzhi yi bsnyen pa/ kun rig /'jigs byed/ sgrol dkar/ tshe dpag med/ gur gyi mgon po sogs yi dam chos skyong du ma'i bsnyen sgrub bcu cha'i sbyin sreg bcas mthar phyin par sogs bshad sgrub kho nas dus 'da' bar mdzad de/ bar skabs su gdan sa chen po sogs gtsang dbus kyi gnas gzigs phal cher dang mchod 'bul smon lam sogs rgya cher mdzad cing spro lung du mang thos bsod nams chos 'phel mjal du phebs pa'i tshe/ rje de nyid gzims khang gi sgor spos sna mjal dar bcas bsu ba dang bkur sti dpag med mdzad/ tshe dbang zhig zhus pas tshe bum la bdud rtsi babs pa sogs sku tshe dang bsod nams rgyas pa'i rten 'brel shin tu legs par byung ngo / /slar gnas sa thar pa rtser phebs te lugs gnyis kyi