[A:567] gtsang dbus tha dag gi ris bral dgon sde rnams su mang ja gral 'gyed/ lha sa bsam yas kyis mtshon gnas chen gtsug lag khang bcas kyi lus med thul gyi rten gsum la mchod 'bul/ mchod rdzas kyi bye brag /snyan dar/ gser chab sogs dang / gzhan yang dbul por sbyin btang bcas tshang mar dngul thog tu bsdoms par srang grangs sogs brjod kyis mi lang ba tsam gyis tshogs gnyis yongs su spel khul bgyis pa la/ gtso bor rgyal ba yab sras dpal sa skya pa chen po sogs nas kyang khyod kyis dngos chas rnam thos sras kyi bang mdzod kha dbye ba lta bus rnam dkar gyi tshogs bsam gyis mi khyab ba sgrub pa'i stobs 'di bzhin la rjes su yi rangs kyi bka' mchid gser gyi cod pan kyang spyi bor stsal/ de mtshungs dbus gtsang gi ser skya tshang mas kyang mgrin gcig pas bstan pa'i zhabs tog sogs legs rab kyi bsngags brjod gleng pa las gzhan du ma gyur pa sgro btags kyis mtshan ma bral zhing mchog dman gyi lkog gyur min pa'i chos can no/ /bar skabs su 'brel ba gang byung rnams bcad/ slan chad mi tshe stong zad du mi 'gro ba'i dge sbyor zhig bsam rung / blo rtse zung gi re dogs kyi ngang du tshom/ phyin chad ci'ang / nam 'chi/ gar skye sogs kyi nges pa ni ma shes/ /zhib par gzigs 'dod rnams kho bo'i byas byung pod gnyis yod pas der gzigs zhes pa'i mdor bsdus 'di'ang gdan rabs kha skong gi gras su dge slong dpal chos gyis so// //