[A:568]mkhan chen bsod nams lhun grub pa ni/ sku 'khrungs pa'i yul dbus gtsang ru bzhir grags pa las g.yas ru'i sa'i cha nub chos lung gi nye 'dabs gling ma mkhar du yab sde pa blo bzang lags dang / yum dpon bza' drung la shing pho rta'i lor 'khrungs/ rus ni gyim shang hor gyi rus te rje rigs so/ /rje 'di nyid gzhon nu'i dus nas byis pa'i spyod pa las 'das pa zhig ste/ cher son dgung lo brgyad pa lcags glang lor khu bo mtshungs bral byams pa bsod nams bzang pos bka' bskul bas/ yab dang 'grogs te ngor du chos la phebs/ sa skya gong ma rin po che chibs sgyur skabs kyi dge 'dun ser phreng ba rnams g.yag ra mgor 'byon pa dang stabs 'grigs pas rje nyid la ser phreng bsgrigs pa ltar byung bas kun gyi rten 'brel legs tshul gling / khu bo bla ma dam pa de nyid bla brang khrir bzhugs kyang / thog ma'i rten 'brel gyis phun tshogs khang sar du phebs/ rim gyis gza' skar legs pa'i nyin bla brang du khu bo mjal du byon/ na bza' sogs gnang khang sar du sdod slob gnyer la brtson pa gyis gsung don ltar/ byis pa 'jug pa'i sgo nas bzung thos brtson mdzad/ zab chos nod pa'i thog mar dpal sa skya pa chen po de nyid kyi drung du e wa~M gtsug lag tu khro rgyal 'byung po 'dul byed kyi rjes gnang bka' drin thob/ phyir lo mkhan chen bsod nams bzang po las rab tu byung / mtshan bsod nams lhun grub tu gsol/ khu bo nyid dang bshes gnyen dam pa mi nyag