[A:570]bzang po/ tshul khrims lhun grub/ bkra shis lhun grub/ mkhan nam mkha' bsam 'grub/ dpal ldan chos skyong / sangs rgyas dpal bzang / khams ston bsod nams dbang phyug sogs mkhas shing grub pa brnyes pa'i skyes chen dam pa du ma las/ gsung ngag rin chen gtsor gyur dbang lung / khrid byin rlabs skor/ rjes gnang zur bka'i rigs dpag tu med pa gsan/ lcags phag gling dpon mo bsod nams skyid sa ngor gyis mtshon dbus gtsang gi mchog gsum sri zhu sgrub pa'i yon sbyor du phebs skabs/ spyir sa ngor dang gling yon mchod/ sgos su khang sar dam pa rim byon dang yon mchod lu gu rgyud du 'brel pa'i gshis/ da lam skyabs mgon byams pa bsod nams bzang po gling gi me tog phog pa'i lha skal du phebs dgos tshul phul bar/ dam pa nyid sku na bgres pa bcas pheb mi thub tshul dang / dbon rin chen 'di nyid rdzong pa zhal gyis bzhes/ glang lor gling drung pa bstan 'dzin mchog grub spyan 'dren 'byor zhing / bla dpon tshang ma'i zhu yig sogs phul/ stag lo zla ba bzhi pa'i tshes bcu dgu la ngor nas bteg /lam bar kun nas kyang sbyin bdag dad ldan gyi tshogs la bka' dbang / byin rlabs sogs bgyis bsnyen bkur 'bul nod che zhing rim gyis gling dpon dgon bcas kyi chibs bsu ja 'dren la sogs pa tshig tu snga rting gi 'byor pas mdun bsus te/ gro bzhin zla ba'i tshes bcu bdun nyin par shes 'phrod