[A:569]bstan pa rgyal mtshan/ dge slong bsod nams dar rgyas sogs bsten nas ngor gyi chos spyod/ rgyud chung gsum/ gsung rab dgongs gsal dbyar chos sogs sgrig lam thams cad mdzad/ me lug lor byams pa bsod nams bzang po glo bor chibs bsgyur gnang / khang gsar du dbon 'di dang zhang po chos rje gnyis kyi 'dzin rgyur/ zhang po chibs skyel bsur phebs skabs rnams su/ phan khang gi sku zhabs dpal ldan chos skyong gi slob dpon dang / gnyer tshang gi thugs 'gan bzhes/ sa bya lor khu bo yang phebs grub cing / snang gsum sogs thugs gnyer mdzad/ kye rdo rje ljags bsnyen sogs bzhugs/ dgung lo bcu dgu pa yongs 'dzin zhes pa chu bya lo nag pa zla ba'i phyogs snga ma'i rgyal ba gnyis pa gza' skar 'grub sbyor bzang ba'i nyin/ e wa~M bla brang du mkhan po nam mkha' bsam 'grub dpal bzang po dang / mtshungs bral mi nyag dbu mdzad sangs rgyas tshul khrims las slob/ bshes gnyen chos 'phel rnam rgyal gsang te ston pa/ 'dul ba 'dzin pa dpal ldan rgya mtsho grib tshod pa/ grogs ldan pa dge slong dkon mchog bzang po sogs dad pa'i dge slong kha bskang dang bcas pa'i dbus su bsnyen par rdzogs so/ /de nas bzung dge slong gi sdom pa rnam dag mig 'bras ltar gces pa bsrungs/ gzhan yang dpal sa skya pa chen po kun dga' blo gros rgya mtsho/ byams pa bsod nams