[A:501]bsnyen par rdzogs par mdzad cing / gzhan yang mkhan slob de rnams dang / ngag dbang bsod nams rgyal mtshan/ mtshungs med dam chos bsam 'grub sogs mkhas grub mang po la zab cing rgya che ba'i dam pa'i chos gsan pa'i tshul ni gsan yig chen mo logs su bzhugs par shes so/ /khyad par yi dam chos skyong du ma'i bsnyen sgrub mthar phyin par mdzad/ bar skabs su gtsang dbus kun gyi gnas gzigs mchod 'bul sogs gnang bar phebs/ nyer lnga pa chu mo glang gi lor thar pa rtse'i bka' phebs dang lan gyi sgo nas/ rga stod gdong sprad bsam gling sgar du 'bul sdud la phebs te/ bshad sgrub spel mas phrin las rgya che'i sgo nas 'bul skyel lan bcu gcig gnang zhing stag lo bar bzhugs/ de nas gdan sa shes bya bzang po la phul nas bsnyen sgrub kho na la chig sgril gnang ste bzhugs pas/ lo der e waM nas spyan 'dren pa'i pho nya dang mchod yon gyi bka' shog phebs par brten/ de 'phral yar byon te rim gyis dbus su phebs/ lha sar mchod yon mjal kha dang / thon 'jags sogs legs par grub nas rim par byon te/ ngor gyi la chung khar phebs pa dang tshogs dung gi sgra sgrogs pa dang dus mnyam pa sogs rten 'brel dpag med du 'grigs/ lo de'i hor zla bcu gcig pa'i tshes nyer gnyis la rdo rje 'chang chen po'i chos khrir byon nas/ gsung ngag lam 'bras sogs