[A:580]rgyugs 'bul/ don ni ye ma go /'jam dbyangs dkar po/ tshe dpag med/ kun rig /mgon po/ 'jigs byed rnams kyi bsnyen pa sgra dag par byas/ slob dpon blo gros brtan pas/ thog mar sgra la mkhas pa yis/ /tshig don rnam par phye ste bstan/ /de nas don la mkhas pa yis/ /lhag chad 'khrul pa med par bshad/ /ces gsungs pa bzhin sgra 'di shes na snyam yang / mtshams sbyor lnga pa tsam las slob thub pa'i stabs 'grig pa zhig ma byung / snyan ngag /byams pa bsod nams bzang po'i zhabs drung du bslabs/ don rgyan so lnga'i rtsom rgyugs tshar gcig phul nas shes khul byas/ skar rtsis/ lnga bsdus/ gza' lnga/ dus sbyor bcas bslabs/ 'byung rtsis gras nas rde'u zhe bdun ma bslabs/ 'ga' zhig skar rtsis 'di g.yeng ba che bas slob mi rung zhes dang / bris bsubs byas pa'i rnam smin yin zhes smod kyang / dus 'khor rgyal bas gsungs pas de la smod pa ya nga ba tsam du zad/ rang gis bsams par rgyud gsum mdzes rgyan las/ rten 'brel gyi gnad shes na nyon mongs dang rnam rtog kyang lam du 'gyur la/ gnad ma shes na lha dang stong nyid bsgom pa la sogs pa rnams kyang bar chad du 'gro ba'i skabs srid pas rten 'brel nyid gnad du che bar bzhed/ ces gsungs pas rten 'brel la khyad gsod mi rung bar go /lo chen dharma shrIs/ chos kun don dam gshis kyi gnas lugs la/ /rtsis dang 'bras bu'i spros pa kun bral kyang / /kun rdzob rten 'brel mi bslur gsungs pa'i phyir/ /bdag legs 'dod pa rnams