[A:581]kyis blang bar 'os/ /zhes gsungs pa'i phyir ro/ /slob dpon sangs rgyas gsang bas/ gal te rnal 'byor gza' skar 'jug phod dang / /dus dang lo zla bzang ngan rtsi byed na/ /dbyer med mnyam pa nyid dang 'gal bas na/ /byang chub thob pa rab tu dka' bar 'gyur/ /zhes bshad pa ni thos bsam gyis sgro 'dogs chod zin nas yun ring bsgom pa'i sgom chen la gsungs kyi/ gzhan la slob mi dgos par bstan pa ma yin te/ gsang ba spyi rgyud las/ nyi ma zla ba gzas 'dzin dang / /ya mtshan che ltas byung ba dang / /cho 'phrul gyi ni zla ba la/ /bsgrigs te dkyil 'khor bri bar bya/ /zhes dang / rab gnas kyi rgyud las/ /dbang bskur dang ni rab gnas nyid/ /yar gyi ngo la brtag par bya/ /gza' dang skar ma 'dzom gyur na/ /mar ngo la yang nyes pa med/ /ces brtsi dgos par gsungs/ brtsi ba la rtsis shes mkhan dgos pas so snyam mo/ /rtsis 'dis kha 'don la sad byed gyi na yod 'gro snang ba 'ga' zhig la 'char gin 'dug kyang / spyod 'jug las/ nad kyis dkrugs pa'i mi dag ni/ /las rnams kun la mthu med pa/ /zhes pa ltar/ rang nyid lus gcong ba dang / le lo ches pas skyon ma gtogs/ nyin gung tshes grangs gsum re tsam bton pa'i sa ris kyi thugs dam ma byed zer mi yang 'dug lags/ shes bya rig pa'i gnas lnga la mkhas pa'i sngon gyi paNDi ta rnams zhal 'don mdzad kyin los yod kyang / shes bya mkhyen pas thugs dam la gnod pa'i