[A:589]bo'i bla ma nas ming nyi ma btags shing / mkhan chen lhun grub dpal ldan gyi dbon por gtogs pa/ khu bo bla ma sku mched gnyis yod pa las/ gcen la kun dga' shes rab zer zhing / mkhan chen lhun grub dpal ldan gyi slob ma dgung lo brgyad cu tsam bzhugs pa'i grub thob cig ste zhal 'don la shin tu brtson pa'i ljags sngags dang ljags chu tsam gyis yang sems can nad gdon las grol zhing / sku gshegs tshe snyun gzhi gang yang med kyang gdung khang brtsigs nas de nang du bzhugs te sku mdangs kyang sngar gyi de 'gyur nas dkar por gyur zhing / sku gdung gi me mchod 'bul lugs sogs rjes kyi bya ba rnams mkhan chen rang gi gcen po rnams la zhal bsgos bgyis te dbus gtsang phyogs su zhal gzigs nas 'das pas zhag gsum me tog gi char rgyun ma chad pa sogs 'das rtags ngo mtshar rmad du byung ba'i sreg chog pa mang brten chos rje sogs kun ya mtshan du gyur skad do/ /de'i gcung bsod nams dpal 'byor ni mkhas grub sangs rgyas phun tshogs kyi skra bcad lugs gnyis kyi mkhyen sgo shin tu yangs shing shes bya mtha' dag gi rgyud phyug pa gsung bzang zhing gzi brjid che ba'i kun yid 'phrog pa'i bag dang ldan pa zhig bzhugs pa de ny-id kyi/ yul der sa dpyad phun sum tshogs pa bya rgod skyid nyal rgyag pa'i spyi gtsug tu nor bu rin po ches brgyan pa 'dra ba lta bu'i stengs na sngar med kyi gtsug lag khang gsar bskrun