[A:588]rjes bzung du gsol/ /oM ma Ni padme hU~M/ /zhes gsol ba 'debs khul byas/ mdor na skyid sdug legs nyes ci byung yang / dkon mchog la blo gtad nas ci byed dge ba'i chos nas bshad pa bzhin byas khul lags/ ci byed dge ba'i chos dang bstun na yang / /yang dag rang zhig ga 'dras byung yod dam/ /dam nyams khrims 'chal nyes ltung thams cad bshags/ /bshags blo skyes pas nyes ltung 'dag par shog /mi tshe phyed lhag tsam zhig song na yang / /yang dag dam chos byas pa'i rjes ni ci/ /ci shes nyams len da ni ran 'dug go /go ba skyes nas nyams len byed par shog /rang gi gnas tshul bltas na mthong nus 'di/ /gzhan la phan phyir bris pa'i dge ba yis/ /tshe rabs kun tu gzhan la mi 'tshe zhing / /gzhan phan byang chub sems dang mi 'bral shog /ces rang gi gnas tshul bltas na mthong nus 'di yang rin chen mi 'gyur rgyal mtshan gyis sbyar ba dge legs 'phel/ sarba mangga laM/ /bha wantu// //mkhan chen rdo rje 'dzin pa dkon mchog grags pa ni/ mdo smad kyi yul bzhag brag lha rtse'i byang ngos su dpag tshad gcig tsam bgrod pa na stag ra pha tsho bcu gnyis kyi ya gyal rgyal bzang zhes pa'i yul na/ yab gzi rgan a 'bum padma dang / yum a 'tsho ma zhes pa gnyis kyi sras su sprel lor 'khrungs shing / khu