[A:53a]klog bslab pa'i slob dpon/ gzhu'i kun dga' ra ba'i g.yung chos mgon/ rgyal gyi zhang chen po/ se btsun dbang phyug gzhon nu/ paNDita sgra'i tsher ma can/ jo bo ni 'gran gyi do med yin la/ spyir jo bo'i chos thams cad thugs la mnga' ba yin te/ mi 'chug bsdams pa las kyang / jo bo'i zhal nas/ gzhung bzang khyod ni tshangs spyod sdom pas phyug /smon 'jug sems skyed lag len snying rjes mdzad/ /dbang bzhi yongs rdzogs gsang ba phyir mi sgrog /sdom gsum khyod kyi rgyud la rdzogs par gnas/ /de dag kun gyi lam rim lag len rnams/ /rim pa bzhin du nyams khrid bskyangs pa las/ /kun la thogs med khyod kyi blo la rdzogs/ /gzhan yang bslab bsdus spyod 'jug la sogs pa/ /don yod go ste sems la phan pa'i chos/ /brgya dang bcu gsum khyod kyis dag par bslabs/ /gsang ba gzhan la bstan par dka' ba yang / /sbas pa'i chos rnams khyod kyis lon par mdzad/ /khyon ni zhu mkhas kho bo snod la rtog /lha rnams kun la bag chags bzhag pa'i phyir/ /sgrub thabs stong phrag nyi shu rtsa bzhi'i khrid/ /kho bo phyogs 'dir bos pa'i dgos pa dang / /sdom gsum don du gnyer bar 'dod pa la/ /so so'i lag len rim par dkrol ba lags/ /zhes sogs mang du gsungs pa sogs kyis shes so/ /khyad par du rgyal bas lung bstan pa shing rta chen po gnyis kyi gdams pa'i bcud/ rgyal ba'i bka' bstan bcos thams cad 'gal med du nyams su len pa'i lam ma nor