[A:52b]pa sngar nas gsan kyang / de'i tshe ring por mi thogs par rgya gar du 'byon par 'dug zer bas/ mtshan thos pa tsam gyis dad pa lhag par skyes te yar byon/ jo bo dpon slob pu hrang na bzhugs pa la/ sgrol ma'i zhal nas/ da ni zhag gsum dros dang bzhi bod kyi u pA sa ka 'byon pas byin gyis rlobs shig gsungs/ jo bos kyang de'i sta gon mdzad/ u pA nye ba/ a sa ka gnas pa ste mtshams sbyar bas/ u pA sa ka nye bar gnas pa'am/ dge bsnyen la 'jug la/ pa'i ring cha chad pa dang / se ka ces pa ma dag ste/ u pa se ka dge bsnyen ma la 'jug go /de nas rta'i lo rang lo so dgu la jo bo dang mjal/ byin gyis brlabs/ dbang skur/ 'jam dpal rdo rje'i sku yang gnang / khyod bla ma rnams dang / sgrol mas lung bstan pa'i slob ma yin pas nga'i rtsar sdod/ nga'i bka' brgyud 'di la gsol ba thob dang byin rlabs yod kyis/ byin rlabs 'byung gi gsungs/ de'i tshe jo bo nyid kyang rgya gar du log par bzhed/ lo tsA ba yang sngar gyi chad yod pas phar bskyal bar bzhed pa la/ ston pas kyang bzhugs par zhu ma nus/ 'on kyang thabs la mkhas pas dbus na rgyal blon gyi bzhengs pa'i gtsug lag khang yod tshul dang / dge 'dun gyi sde mang du bzhugs pa rnams jo bo phebs par mos tshul dang / bod ston rnams la yang chad yod pa bzhin 'phrin yig btang ba sogs gong du bshad pa ltar dka' ma du mas bod du spyan drangs te ston pas lo ngo bcu gsum tshul bzhin du bsten cing / bshes gnyen ston pa la bla ma lnga yod pa ni/ dang por