[A:54a] dbu rtse'i sa na gser gyi mchod rten 'dug pa'i 'od zer las/ dbu rtse dga' 'ji ra ser lhag ge ba mang po byung nas bod yul thams cad 'od kyis gang bar byas te tshur 'dus shug pa'i gseb thams cad gang ba dang / gzhan yang 'ching dkar ba mar gyi phung po dang / pha 'ong thang rin po che'i phung por song ba la sogs pa'i bltas khyad par can mang po rmis te/ nang par sum pa mthu can dang / rnal 'byor pa/ dgon pa ba gsum gyis bltas bzang ngam zhus pas/ bzang gsungs nas/ dgon pa 'debs par thag bcad/ sa 'dul la brgyad stong pa 'grel pa dang bcas pa gsungs/ me pho spre'u lo la dgon pa gong dang / gzim khang rnams mdzad/ me mo bya'i lo sa ga zla ba'i tshes gnyis la sa chog mdzad/ dpal gsang ba 'dus pa lha bcu dgu'i thig btabs te/ ka gnyis ma'i rmang bting / gur dkar phebs/ jo bo'i gdung dang / dngul gdugs can/ 'jam dpal rdo rje las sogs pa bzhugs/ bzo bo bi ri rnal 'byor bya bas ka gnyis ma rgya phibs/ khyams stod ka ba bcu gnyis rnams bya lo rang la grub par mdzad/ rten gsar bzhengs pa rnams kyi rab gnas sogs rnal 'byor pa gong 'og gis grogs mdzad de phun sum tshogs par grub nas/ jo bo'i gdung bzhugs pa'i khyung mgo grub nas/ 'di man chad la byed pa po gcig 'ong gis gsungs nas/ 'dzim rdo yon tan 'bar la/ khyod 'jig rten gyi shes che bas gyis/ kho bos tshe 'di'i rnam rtog yongs blo cig bgyi gsungs te/ 'jig rten mkhyen pa rnyed dang ma rnyed dang / /zhes sogs gsungs shing / 'jig rten