[A:54b]chos brgyad mgo snyoms mdzad do/ /de dus rnal 'byor pa phyag khri mchog jo bo lo lnga bsten pa de ra sgreng na bzhugs pa la kho bo mtshams shig byed pa yin gsungs nas/ 'jig rten gyi rnam par rtog pa la mtshams po che mdzad de shug sib na gang dgar bzhugs nas rtse gcig tu sgrub pa mdzad/ dgung lo zhe gnyis 'gro ba'i dus bshes gnyen ston pas 'khor cig la bdud rtsi'i ka pA la gang bkur te/ phyag khri mchog la gtad pa gsol nas mkha' spyod du gshegs so/ /de ltar bshes gnyen ston pa thugs zab la skyel che ba mkhyen pa rgya mtsho lta bu mnga' ba des/ mdo rgyud du ma nas lung bstan pa'i ra sgreng de/ bod kyi sde pa gang gi yang phyogs su ma chad pa/ bi kra ma shI la'i gnas chung / jo bo'i gdan sa/ rnal 'byor gong 'og rnams kyi sgrub gnas/ bod kyi spyi mchod khyad par can 'di byung ba yin no/ /de yang sngon gyi yi ge las/ chos kyi rgyal po srong btsan sgam po byang du mi rgod 'dul ba la byon dus/ ra sgreng du phebs te dbu skra gtor nas/ 'dir spos shing rgyas par gyur pa'i tshe/ gnas 'dir nga'i sprul pa 'byung / zhes gsungs pa/ bshes gnyen ston pa yin par bzhed do/ /de lta bu'i ra sgreng der sangs rgyas kyi bstan pa/ a ti sha'i chos srol dri ma med pa rnams btsugs te/ spyir las dang skal ldan gyi slob ma brgyad cu tsam smin par mdzad cing / khyad par du sku mched rin po che gsum jo bo nyid kyi snye thang du lung bstan te/ 'brom rje thub pa'i bstan pa lnga stong gnas/ /'on kyang bod du chos spyod ji ltar dar/ /bdag