[A:55a]gis bstan pa skyong skyed byas pa yin/ /da ni legs par gzhi bzhengs tshar ba yin/ /chos 'di legs par skyongs shig rgyal ba 'brom/ /mtha' rgya byang nas skyed cig snying stobs can/ /pho rus rnam thar zungs shig khrol gzhung can/ /pha gcig bu gcig yin no snying la soms/ /shes dang / bdag gis bstan pa 'di ni khyod la gtad/ /lo skor gcig gi bar du byang phyogs su/ /chos kyi char pa phobs la gzhan don mdzod/ /de nas khyod kyi yon tan ma lus pa/ /gang zag gcig gis blang bar mi nus kyis/ /las can brgyad cur bgos la mtha' rgya skyod/ /gtso bo sprul pa'i sku mched gsum po la/ /gzhung dang man ngag thun mong gsum byin la/ /lhag chad med par rang gi gdan sa gtod/ /gnas kyi gdan sar a mes chen po bskos/ /de nas zhen cing chags pa ma byed par/ /dga' ldan gnas su bdag gi drung du shog /ces bshes gnyen ston pa bstan pa'i bdag por byin gyis brlabs shing / chos kyi gdan sa sku mched gsum dang gnas kyi gdan sa rnal 'byor pa dang bcas pa lung bstan cing / las can brgyad cu'i nang nas grags che ba gong du bshad pa'i khams pa sku mched bzhi dang / gzhan yang khams nas rnal 'byor pa byams pa'i blo gros/ yongs rdzogs rnal 'byor pa/ lho brag nas rnal 'byor pa phyag khri mchog btsun pa dge skyong sogs dang bi ri rnal 'byor pa/ stong rtsan nam go rgyu ra gzhon nu 'od zer/ lhab mi shes rab g.yung drung / sgom pa rin chen bla ma/ gtsang pa jo pad/ ka ba rgya dkar/