[A:5b]mi mthun pa mang yang yongs su grags pa ni/ dus ston pa gshegs nas lo sum brgya na/ gnas kha che'i yul gyi dgon pa ku pa na zhes par/ sbyin bdag dza landha ra'i rgyal po ka ni kas byas te/ tshogs pa dgra bcom pa lnga brgya/ wa pu mi Ta la sogs pa'i byang chub sems dpa' lnga brgya/ so so skye bo'i paNDi ta khri drug stong 'dus nas/ bsdu pa po purNi ka la sogs pas sde snod gsum zhal 'don du mdzad de/ dgos ba sde ba bco brgyad po thams cad kyi grub mtha' la rten nas rnam grol kyi 'bras bu thob par/ rgyal po kri kri'i rmis ltas lung bstan pa'i mdo la brten nas sgrub pa dang / bstan pa yun ring du gnas pa'i ched du bka' bsdu gsum pa mdzad do/ /de yang sangs rgyas 'od srung 'dzam bu'i gling na bzhugs pa'i tshe/ rgyal po kri kri'i rmi lam du ras yug gcig skyes bu stobs dang ldan pas bco brgyad du byas te/ thams cad kha tshar ma nyams pa re rer gyur pa rmis pas/ 'od srung gis ma 'ongs pa'i dus su shAkya thub pa'i bstan pa la nyan thos sde pa bco brgyad du 'gyur ba ni/ ras yug gcig dum bu bco brgyad du gyur pa'o/ /thams cad kyang kha tshar ma nyams pa ni sde pa de dag re re'i grub mtha' la rten nas kyang rnam grol gyi 'bras bu thob par nus so/ /zhes mdo las bshad do/ /'di dag gi khyad par la/ rtsa ba'i sde pa bzhi ni/ phal chen pa/ thams cad yod par smra ba/ gnas brtan pa/ mang pos bkur ba pa rnams/ legs sbyar gyi skad dang / rang bzhin gyi skad dang / zur chag gi skad dang / pi sha tsi'i skad du so sor gnas pa yin no/ /de las gyes